മരുമകള്‍ പാകം ചെയ്ത മട്ടന്‍ കറി കൊള്ളില്ലെന്ന് പറഞ്ഞ് വഴക്കുണ്ടാക്കിയ പിതാവിനെ മകന്‍ തലയ്ക്കടിച്ച് കൊലപ്പെടുത്തി. തിരുപ്പതിയിലാണ് സംഭവം നടന്നത്. 56കാരനായ ചെല്ല ഗുരുപ്പയെയാണ് മകന്‍ വെങ്കട്ട രാമുടു കൊലപ്പെടുത്തിയത്. ഇയാളെ പൊലീസ് അറസ്റ്റ് ചെയ്തു.
സംഭവത്തെക്കുറിച്ച് പൊലീസ് വിശദീകരിക്കുന്നത് ഇങ്ങനെ: കഴിഞ്ഞ ഞായറാഴ്ച ഉച്ചയ്ക്ക് കഴിക്കാനായി മട്ടന്‍ കറി ഉണ്ടാക്കിയിരുന്നു. മരുമകളാണ് ഉണ്ടാക്കിയത്. ഗുരുപ്പയും കുടുംബാംഗങ്ങളും ഭക്ഷണം കഴിക്കാനായി ഇരുന്നു. എന്നാല്‍ മരുമകള്‍ ഉണ്ടാക്കിയ കറി ഗുരുപ്പയ്ക്ക് ഇഷ്ടപ്പെട്ടില്ല. ഇതിന്റെ പേരില്‍ കുറ്റം പറയുകയും മരുമകളുടെ മുഖത്തേക്ക് കറി വലിച്ചെറിയുകയും ചെയ്തു.
ഭാര്യയെ അപമാനിച്ചപ്പോള്‍ വെങ്കട രാമുടുവിന് ദേഷ്യമായി. തുടര്‍ന്ന് അച്ഛനുമായി വാക്കേറ്റവും തര്‍ക്കവുമായി. ദേഷ്യം മൂത്തപ്പോള്‍ മകന്‍ അച്ഛന്റെ തല ചുമരില്‍ അടിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ ഗുരുപ്പ ഉടന്‍ തന്നെ മരിച്ചു. പൊലീസെത്തിയാണ് മൃതദേഹം ആശുപത്രിയിലേക്ക് മാറ്റിയത്.' സംഭവത്തില്‍ കൂടുതല്‍ അന്വേഷണം വേണമെന്നാണ് പൊലീസ് പറയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
