മുംബൈ: മഹാരാഷ്ട്ര പൊലീസില്‍ കോവിഡ് വ്യാപനം രൂക്ഷമായി തുടരുന്നു. 24 മണിക്കൂറിനിടെ 533 പേര്‍ക്ക് കൂടി കോവിഡ് സ്ഥിരീകരിച്ചു. ഇതോടെ മഹാരാഷ്ട്ര പൊലീസിലെ വൈറസ് ബാധിതരുടെ എണ്ണം 18000ലേക്ക് അടുക്കുകയാണ്. നിലവില്‍ 17,972 പേര്‍ക്കാണ് രോഗം കണ്ടെത്തിയത്.
രോഗവ്യാപനം രൂക്ഷമായി തുടരുമ്പോഴും രോഗമുക്തി നേടുന്നവരുടെ എണ്ണം ഉയരുന്നത് ആശ്വാസം നല്‍കുന്നുണ്ട്. നിലവില്‍ 3,523 പേരാണ് വിവിധ ആശുപത്രികളില്‍ ചികിത്സയില്‍ കഴിയുന്നത്.
ഇതുവരെ 14,269 പേരാണ് രോഗമുക്തി നേടി ആശുപത്രി വിട്ടത്. 24 മണിക്കൂറിനിടെ 3 പൊലീസുകാര്‍ക്കാണ് വൈറസ് ബാധയെ തുടര്‍ന്ന് ജീവന്‍ നഷ്ടമായത്. ഇതോടെ മരണസംഖ്യ 180 ആയി ഉയര്‍ന്നതായും മഹാരാഷ്ട്ര പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
