ന്യൂഡല്ഹി: മീ ടൂ കാമ്പയ്ൻ വിവാദവുമായി ബന്ധപ്പെട്ട് കേന്ദ്ര വിദേശകാര്യ സഹമന്ത്രി എംജെ അക്ബർ കേസ് നൽകി. മീ ടൂ വിഷയത്തിൽ തനിക്കെതിരെ ലൈംഗിക ആരോപണങ്ങള് ഉന്നയിച്ച മാധ്യമ പ്രവര്ത്തക പ്രിയാ രമണിക്കെതിരെ അദ്ദേഹം അപകീര്ത്തി കേസാണ് ഫയൽ ചെയ്തത്. ഡല്ഹി പട്യാല കോടതിയിലാണ് കേസ് കൊടുത്തിരിക്കുന്നത്.
വിദേശ വനിതയടക്കം ഒരു ഡസനിലധികം സ്ത്രീകള് മീ ടൂ കാമ്പയ്നിലൂടെ അക്ബറിനെതിരെ ലൈംഗിക ആരോപണവുമായി രംഗത്തെത്തിയിരുന്നു. പ്രിയാ രമണിയായിരുന്നു ആദ്യം രംഗത്തെത്തിയത്.
ഒരാഴ്ച നീണ്ട വിദേശ പര്യടനത്തിന് ശേഷം ഞായറാഴ്ച്ച തിരിച്ചെത്തിയ എംജെ അക്ബര് തനിക്കെതിരെ ആരോപണമുന്നയിച്ചവര്ക്കെതിരെ നിയമനടപടി സ്വീകരിക്കുമെന്ന് അറിയിച്ചിരുന്നു. ഇതിന് പിന്നാലെയാണ് ആദ്യം ആരോപണം ഉന്നയിച്ച പ്രിയാ രമണിക്കെതിരെ അപകീര്ത്തി കേസ് നല്കിയിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
