ബാന്ദ: മുത്തലാഖ് ബില്‍ പാസാക്കിയത് ആഘോഷിച്ചതിന് യുവതിയെ മുത്തലാഖ് ചൊല്ലി ഉപേക്ഷിച്ചതായി പരാതി. ഉത്തര്‍പ്രദേശിലെ ബാന്ദയിലാണ് സംഭവം. രാജ്യസഭയില്‍ മുത്തലാഖ് ബില്‍ പാസയതില്‍ സന്തോഷിച്ച് ആഹ്ലാദപ്രകടനം നടത്തിയതിനാണ് യുവതിയെ മുത്തലാഖ് ചൊല്ലിയത്.
ജിഗ്നി ഗ്രാമത്തിലെ മുഫീദ ഖാത്തൂനെയാണ് ഭര്‍ത്താവ് ശംസുദ്ദീന്‍ മുത്തലാഖ് ചൊല്ലിയത്. മുഫീദയുടെ പരാതിയെ തുടര്‍ന്ന് ശംസുദ്ദീനെതിരെ കേസെടുത്ത് അറസ്റ്റ് ചെയ്തു. മുത്തലാഖ് ബില്‍ പാസായത് ഭാര്യ ആഘോഷിച്ചതില്‍ പ്രകോപിതനായ ഭര്‍ത്താവ് മാതാപിതാക്കളുടെ മുന്‍പില്‍ വെച്ച് മൂന്ന് വട്ടം തലാഖ് ചൊല്ലി തന്നെ ഉപേക്ഷിക്കുകയായിരുന്നു എന്ന് യുവതി പറയുന്നു.
ജൂലൈ 30നാണ് പാര്‍ലമെന്റ് മുത്തലാഖ് ബില്‍ പാസാക്കിയത്. മുത്തലാഖിനെ ക്രിമിനല്‍ കുറ്റമാക്കുന്നതാണ് ബില്‍. മൂന്ന് വര്‍ഷം വരെ തടവ് ശിക്ഷയാണ് മുത്തലാഖില്‍ കുറ്റക്കാരെന്ന് കണ്ടാല്‍ വിധിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
