മൂന്ന് വയസ്സുകാരിയായ മകളെ കഴുത്തറുത്തു കൊന്നശേഷം യുവതി സ്വയം ജീവനൊടുക്കാന്‍ ശ്രമിച്ചു

ന്യൂഡല്‍ഹി: മൂന്ന് വയസ്സുകാരിയായ മകളെ കഴിത്തറുത്ത് കൊന്നശേഷം യുവതി സ്വയം ജീവനൊടുക്കാന്‍ ശ്രമിച്ചു. കൈ ഞെരമ്പ് മുറിച്ചാണ് യുവതി ആത്മഹത്യ ചെയ്യാന്‍ ശ്രമിച്ചതെന്നാണ് പൊലീസ് റിപ്പോര്‍ട്ട്. 27കാരിയായ യുവതിയാണ് മകളെ കൊന്ന് ആത്മഹത്യ ചെയ്യാന്‍ ശ്രമിച്ചത്.

യുവതി മാനസിക രോഗത്തിന് ചികിത്സയിലായിരുന്നെന്നും യുവതി ആത്മഹത്യ ചെയ്യുന്നതിന് മുമ്പ് മകളെ കൊല്ലുകയായിരുന്നെന്നും പൊലീസ് പറഞ്ഞു. ഭര്‍തൃമാതാവ് ഇരുവരെയും ആശുപത്രിയിലേക്ക് എത്തിച്ചെങ്കിലും വഴിമധ്യേ കുട്ടി മരിച്ചിരുന്നു. 

യുവതി ആശുപത്രിയില്‍ ചികിത്സയില്‍ തുടരുകയാണെന്ന് പൊലീസ് അറിയിച്ചു. ഇവരുടെ ഭര്‍ത്താവ് ചെന്നൈയില്‍ എഞ്ചിനിയറായി ജോലി ചെയ്യുകയാണ്. യുവതിയും എഞ്ചിനിയറിംഗ് ബിരുദധാരിയാണ്.