ന്യൂഡല്‍ഹി: പ്രധാനമന്ത്രി നരേന്ദ്രമോദിക്ക് ലഭിച്ച സമ്മാനങ്ങള്‍ ലേലം ചെയ്യുന്നു. സപ്തംബര്‍ 14ാം തിയ്യതി ശനിയാഴ്ചയാണ് 2700 സമ്മാനങ്ങള്‍ ലേലത്തില്‍ വില്‍ക്കുന്നത്. ഓണ്‍ലൈന്‍ വഴിയാണ് വില്‍പ്പനെയെന്ന് സാംസ്‌കാരിക മന്ത്രി പ്രഹ്ലാദ് പട്ടേല്‍ പറഞ്ഞു.
ആകെ 2,772 സമ്മാനങ്ങളാണ് ലേലം വഴി വില്‍പ്പന നടത്തി ധനസമാഹരണം നടത്തുന്നത്. മോദിക്ക് ലഭിച്ച സമ്മാനങ്ങള്‍ സ്വന്തമാക്കാനുള്ള അടിസ്ഥാന തുക 200 രൂപയാണ്. പരമാവധി 2.5 ലക്ഷം രൂപവരെയാണെന്നും പ്രഹ്ലാദ് പട്ടേല്‍ പറഞ്ഞു. എന്നാല്‍ ലേലത്തിലൂടെ ലഭിക്കുന്ന തുക എന്തിനാണെന്ന് വ്യക്തമാക്കിയിട്ടില്ല.
കഴിഞ്ഞ തവണ മോദിക്ക് ലഭിച്ച 1800 ലേറെ സമ്മാനങ്ങള്‍ ലേലത്തില്‍ വെച്ചിരുന്നു. അതില്‍ നിന്നും ലഭിച്ച തുക ഗംഗാ നദിയുടെ ശുചീകരണത്തിനും സംരക്ഷണത്തിനുമായി ചിലവഴിച്ചിരുന്നു. വര്‍ണാഭമായ തലപ്പാവുകള്‍, ഷാളുകള്‍, ചിത്രങ്ങള്‍, ശില്‍പ്പങ്ങള്‍ തുടങ്ങിയവയായിരുന്നു ലേലത്തിന് വെച്ചത്‌
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
