യുവാവിനൊപ്പം ഫോട്ടോയെടുത്തു, പ്രണയത്തിലാണെന്ന് സംശയം; അച്ഛൻ മകളെ കൊന്നു 

ആഗ്ര: യുവാവിനൊപ്പം ഫോട്ടോയെടുത്തതിന് അച്ഛൻ മകളെ കൊലപ്പെടുത്തി. മകൾ പ്രണയത്തിലാണെന്ന സംശയത്തെ തുടർന്നാണ് കൊലപാതകം. 16കാരിയാണ് കൊല്ലപ്പെട്ടത്. 

ദുരൂഹ സാഹചര്യത്തില്‍ യുവതിയുടെ മൃതദേഹം കണ്ടെത്തിയതിനെത്തുടര്‍ന്ന് നടത്തിയ അന്വേഷണത്തിലാണ് കൊലപാതകത്തിന്റെ ചുരുളഴിഞ്ഞത്. ഈ വര്‍ഷം വിവാഹം നിശ്ചയിച്ചിരുന്ന മകൾ പ്രണയത്തിലാണെന്ന് കരുതിയ പിതാവ് അപമാനം ഭയന്നാണ് കൊലപാതകം നടത്തിയതെന്നാണ് പൊലീസ് പറയുന്നത്. ആഗ്രയ്‌ക്കടുത്തുള്ള പാടിയാലി എന്ന ഗ്രാമത്തിലാണ് സംഭവം.

ഐപിസി സെക്ഷന്‍ 302, 201 എന്നീ വകുപ്പുകള്‍ ചുമത്തി പ്രതിയെ അറസ്റ്റ് ചെയ്തതായി പൊലീസ് പറഞ്ഞു. മരിച്ച മകളെ കൂടാതെ പ്രതിക്ക് രണ്ട് പെൺമക്കളും നാല് ആൺമക്കളുമുണ്ട്.