ന്യൂഡൽഹി: ലോക്സഭാ തെരഞ്ഞെടുപ്പ് മുൻനിർത്തി തെരഞ്ഞെടുപ്പ് കമ്മീഷൻ ട്വിറ്റർ അക്കൗണ്ട് തുടങ്ങി. 'ദേശ് കാ മഹാ ത്യോഹാർ' ( രാജ്യത്തിന്റെ മഹോത്സവം) എന്നാണ് ട്വിറ്റർ ഹാൻഡിലിലെ കവർ ഫോട്ടോയിൽ പറയുന്നത്. പന്ത്രണ്ട് ഭാഷകളിലുള്ള ഹാഷ്ടാഗിനൊപ്പം ഇന്ത്യൻ പാർലമെന്റിന്റെ ചിത്രവും പ്രൊഫൈലിൽ അവതരിപ്പിച്ചിട്ടുണ്ട്.
ബോധവത്കരണം നടത്താൻ ഇൻസ്റ്റന്റ് സോഷ്യൽ മീഡിയ ആപ്പായ ട്വിറ്ററിനെ പരമാവധി പ്രയോജനപ്പെടുത്താൻതന്നെയാണ് കമ്മീഷന്റെ നീക്കം. സിസ്റ്റമാറ്റിക് വോട്ടേഴ്സ് എജ്യൂക്കേഷൻ ആന്റ് ഇലക്ട്രൽ പാർട്ടിസിപ്പേഷൻ (SVEEP) എന്ന പേരിൽ പ്രചാരണ പരിപാടിയും കമ്മീഷൻ ഇതോടൊപ്പം ആരംഭിച്ചിട്ടുണ്ട്.
കമ്മീഷൻ ട്വിറ്ററിൽ എത്തിയതിനെ കമ്പനിയും മറ്റ് സമൂഹ മാധ്യമങ്ങളും സ്വാഗതം ചെയ്തു. വരുന്ന ലോക്സഭാ തെരഞ്ഞെടുപ്പിന് ട്വിറ്റർ വളരെ പ്രാധാന്യം നൽകുന്നുണ്ട്. കഴിഞ്ഞ കുറച്ച് മാസങ്ങളായി അതിനായുള്ള തയ്യാറെടുപ്പിലാണ് കമ്പനിയെന്നും പബ്ലിക് പോളിസി ചുമതലയുള്ള ഡയറക്ടർ മഹാമ കൗൾ പറഞ്ഞു. വോട്ടർമാരെത്തേടി കമ്മീഷൻ ട്വിറ്ററിലെത്തിയത് ആദരമായി കണക്കാക്കുന്നുവെന്നും കമ്പനി കൂട്ടിച്ചേർത്തു.
വസ്തുതാ പരമായ വിവരങ്ങൾ ജനങ്ങളിൽ എത്തിക്കുന്നതിന് പുറമേ ജനങ്ങൾക്ക് വിവരങ്ങൾ നൽകാനും കമ്മീഷന്റെ ഹാൻഡിലിലൂടെ സാധിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
