ജയ്പുര്‍: രാജസ്ഥാനില്‍ അറസ്റ്റിലായ ലൈംഗിക തൊഴിലാളിക്ക് കോവിഡ് സ്ഥിരീകരിച്ചു. ഇതിനെത്തുടര്‍ന്ന് ഇവരുടെ അറസ്റ്റിലേക്കു നയിച്ച റെയ്ഡില്‍ പങ്കെടുത്ത 14 പൊലീസുകാരെ ക്വാറന്റൈനിലാക്കി.
ജൂലൈ ഒന്നിനു രാത്രിയാണ് സംസ്ഥാനത്തെ വിവിധ കേന്ദ്രങ്ങളില്‍ പൊലീസ് റെയ്ഡ് നടത്തിയത്. ഏഴു സ്ത്രീകള്‍ അടക്കം പതിനേഴു പേരാണ് വ്യഭിചാരക്കുറ്റത്തിന് പിടിയിലായത്.
സുഖര്‍ പൊലീസ് സ്റ്റേഷന്‍ പരിധിയില്‍നിന്നു പിടിയിലായ നാലു സ്ത്രീകളില്‍ ഒരാള്‍ക്കാണ് കോവിഡ് സ്ഥിരീകരിച്ചത്. ഇതിനെത്തുടര്‍ന്ന് റെയ്ഡില്‍ പങ്കെടുത്ത പൊലീസുകാരോടു ക്വാറന്റൈനില്‍ പോവാന്‍ വകുപ്പു നിര്‍ദേശിക്കുകയായിരുന്നു.
അതേസമയം പരിശോധനാ ഫലം വരുംമുമ്പു തന്നെ സ്ത്രീ ജാമ്യം നേടി പുറത്തു പോയത് ആശങ്കയ്ക്കിടയാക്കി. ഇവരെ കണ്ടെത്താന്‍ ശ്രമം തുടരുകയാണെന്ന് പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
