റാഞ്ചി: ചത്തീസ്ഗഡില്‍ മുഖ്യമന്ത്രി രമണ്‍സിങിനെതിരെ കോണ്ഗ്രസ് സ്ഥാനാര്‍ത്ഥിയായി മത്സരിക്കുന്നത് എബി വാജ്‌പേയിയുടെ അനന്തിരവള്‍ കരുണ ശുക്ല.രാജ്‌നന്ദ്ഗാവ് നിയമസഭാ മണ്ഡലത്തിലാണ് രമണ്‍ സിങ്ങിനെതിരെ കരുണ ശുക്ല ജനവിധി തേടുന്നത്. കുറച്ച് വര്‍ഷങ്ങള്‍ക്ക് മുന്‍പാണ് ബിജെപി പാളയം വിട്ട് കരുണ ശുക്ല കോണ്‍ഗ്രസിലെത്തിയത്.
ഛത്തീസ്ഗഡ് നിയമസഭാ തിരഞ്ഞെടുപ്പിനുള്ള ഒന്നാംഘട്ട സ്ഥാനാര്‍ഥികളെ കോണ്ഗ്രസ് പ്രഖ്യാപിച്ചു. ആറ് മണ്ഡലത്തിലെ സ്ഥാനാര്‍ത്ഥികളെയാണ് പ്രഖ്യാപിച്ചത്. 12 മണ്ഡലങ്ങളിലെ സ്ഥാനാര്‍ത്ഥികളുടെ പ്രഖ്യാപനം നാളെയുണ്ടാകം. രമണ്‍ സിങ്ങും കരുണ ശുക്ലയും നാളെ നാമനിര്‍ദേശ പത്രിക സമര്‍പ്പിക്കും.
ആദ്യഘട്ട വോട്ടെടുപ്പിന് നാമനിര്‍ദേശ പത്രിക സമര്‍പ്പിക്കാനുള്ള സമയപരിധി നാളെയാണ് അവസാനിക്കുന്നത്. ടിക്കറ്റ് നിഷേധിക്കപ്പെട്ട പത്തിലധികം സിറ്റിങ് എം.എല്‍.എമാര്‍ ബിജെപി നേതൃത്വത്തിനെതിരെ കലാപക്കൊടി ഉയര്‍ത്തിക്കഴിഞ്ഞു. 90 നിയമസഭാ സീറ്റുകളുള്ള ഛത്തീസ്ഗഡില്‍ നവംബര്‍ 12 നും 20നുമായി രണ്ട് ഘട്ടമായാണ് വോട്ടെടുപ്പ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
