ന്യൂഡല്‍ഹി: മുന്‍ പ്രധാനമന്ത്രി അടല്‍ ബിഹാരി വാജ്‌പേയിയുടെ രണ്ടാം ചരമവാര്‍ഷിക ദിനത്തില്‍ ഓര്‍മ്മകള്‍ പങ്കുവെച്ച് പ്രധാനമന്ത്രി നരേന്ദ്രമോദി. വാജ്‌പേയിയുടെ ഓര്‍മ്മ പുതുക്കി രണ്ടുമിനിറ്റ് നീണ്ടുനില്‍ക്കുന്ന വീഡിയോയാണ് മോദി പങ്കുവെച്ചത്. വാജ്‌പേയിയുടെ പഴയ ചിത്രങ്ങളാണ് വീഡിയോയില്‍ ഉടനീളം. അവസാനഭാഗത്ത് വാജ്‌പേയി്‌യുടെ അനുഗ്രഹം വാങ്ങുന്ന മോദിയുടെ ചിത്രവും ഉള്‍പ്പെടുന്നു.
രാജ്യത്തിന്റെ പുരോഗതിക്ക് വാജ്‌പേയി നല്‍കിയ സംഭാവനകള്‍ രാജ്യം എപ്പോഴും ഓര്‍ക്കുമെന്ന് മോദി ട്വറ്ററില്‍ അനുസ്മരിച്ചു. വാജ്‌പേയിയുടെ രാഷ്ട്രീയ ജീവിതത്തില്‍ വ്യത്യസ്ത കാലഘട്ടങ്ങളിലുളള ചിത്രങ്ങളാണ് വീഡിയോയില്‍ ഇടംപിടിച്ചത്. വീഡിയോയ്ക്ക് കൂടുതല്‍ നിറംപകര്‍ന്ന് മോദിയുടെ തന്നെ ശബ്ദത്തില്‍ വോയ്‌സ്ഓവറും ഒപ്പം ഉണ്ട്.
വാജ്‌പേയിയുടെ ത്യാഗം രാജ്യം ഒരിക്കലും മറക്കില്ല. അദ്ദേഹത്തിന്റെ നേതൃത്വത്തില്‍ രാജ്യം ന്യൂക്ലിയര്‍ ശക്തിയായി മാറി. വിവിധ തുറകളില്‍ അദ്ദേഹം മികവ് പുലര്‍ത്തി. അത്തരത്തില്‍ നീണ്ടുപോകുന്നു മോദിയുടെ വാക്കുകള്‍. വീഡിയോയുടെ അവസാന ഭാഗത്താണ് മോദി വാജ്‌പേയിയുടെ അനുഗ്രഹം വാങ്ങുന്നത്. ചെറുപ്രായത്തിലുളള മോദിയെയാണ് ഇതില്‍ കാണാന്‍ സാധിക്കുന്നത്.
1924 ല്‍ മധ്യപ്രദേശിലെ ഗ്വാളിയാറിലാണ് വാജ്‌പേയി ജനിച്ചത്. ബിജെപിയില്‍ നിന്നുളള ആദ്യ പ്രധാനമന്ത്രിയാണ് വാജ്‌പേയി. മൂന്ന് തവണയാണ് ഇദ്ദേഹം പ്രധാനമന്ത്രി പദം അലങ്കരിച്ചത്. 1999-2004 വരെയുളള അഞ്ചുവര്‍ഷം വാജ്‌പേയിയുടെ നേതൃത്വത്തില്‍ ബിജെപി ഭരണകാലാവധി തികയ്ക്കുകയും ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
