കിയോഞ്ജര്: ഗ്രാമവികസനത്തിനായുള്ള സര്ക്കാര് ഫണ്ടില് നിന്ന് 22 ലക്ഷം രൂപ തട്ടിയെടുത്ത ഗ്രാമത്തലവന് പിടിയില്. ഒഡീഷയിലെ കിയോഞ്ജറിലെ പിപിലി ഗ്രാമത്തലവന് ഉപേന്ദ്ര നായ്കിനെയാണ് പൊലീസ് അറസ്റ്റ് ചെയ്തത്.
ഗ്രാമത്തിലെ വികസനപ്രവര്ത്തനങ്ങള്ക്ക് ഉപയോഗിക്കാനെന്ന വ്യാജേനയാണ് ഉപേന്ദ്ര പണം തട്ടിയെടുത്തത്. ഫണ്ട് ദുരുപയോഗം ചെയ്യുന്നുണ്ടെന്ന സംശയത്തില് ജില്ലാ ഗ്രാമവികസന ഏജന്സി (ഡിആര്ഡിഎ) ഉദ്യോഗസ്ഥര് നടത്തിയ അന്വേഷണത്തിലാണ് തട്ടിപ്പ് പുറത്തുവന്നത്. ഉപേന്ദ്രയും പഞ്ചായത്തിലെ മുന് എക്സിക്യൂട്ടീവ് ഓഫീസറും ചേര്ന്ന് ഫണ്ടില് നിന്നുള്ള പണം സ്വകാര്യ ആവശ്യങ്ങള്ക്കായി ഉപയോഗിക്കുകയായിരുന്നെന്നാണ് ഉദ്യോഗസ്ഥർ കണ്ടെത്തിയത്. ഇതേ തുടർന്ന് ബ്ലോക്ക് പഞ്ചായത്ത് അധികൃതര് പൊലീസില് പരാതി നല്കി.
ഒളിവിലായ മുന് പഞ്ചായത്ത് എക്സിക്യൂട്ടീവ് ഓഫീസര്ക്കെതിരെ പൊലീസ് അന്വേഷണം ആരംഭിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
