ഷില്ലോംഗ്: കിഡ്‌നി അസുഖത്തെ തുടര്‍ന്ന് മുംബൈ എച്ച് എന്‍ റിലൈന്‍സ് ഫൗണ്ടേഷന്‍ ആശുപത്രിയില്‍ ചികിത്സയില്‍ കഴിയുന്ന പ്രശസ്ത ചലചിത്ര നടന് വിനോദ്ഖന്നയുടെ മെഡിക്കല്‍ റിപ്പോര്‍ട്ട് ആശുപത്രി അധികൃതര്‍ പുറത്തുവിട്ടിരുന്നു. മെഡിക്കല്‍ റിപ്പോര്‍ട്ടിന് പിന്നാലെ സാമൂഹ്യമാധ്യമങ്ങളില്‍ വിനോദ് ഖന്ന മരിച്ചെന്ന രീതിയില്‍ വാര്‍ത്തകള്‍ പ്രചരിച്ചിരുന്നു.
ഈ സാഹചര്യത്തിലാണ് മരിച്ച നടന് ആദരവര്‍പ്പിച്ച് ബിജെപിയുടെ മേഘാലയാ ഘടകം രണ്ട് മിനിറ്റ് മൗനപ്രാര്‍ത്ഥന നടത്തിയത്. മരിച്ചില്ലെന്ന വാര്‍ത്ത പുറത്തുവന്നതോടെ ടെലിവിഷനില്‍ വിനോദ് ഖന്ന മരിച്ചെന്ന വാര്‍ത്ത വന്നതിനെ തുടര്‍ന്നാണ് മൗനം ആചരിച്ചതെന്നാണ് ബിജെപിയുടെ വിശദീകരണം. സംഭവത്തില്‍ ബിജെപി നേതാക്കള്‍ ക്ഷമാപണവും നടത്തി.
ബിജെപിയുടെ മുന്‍ എംപിയായിരുന്നു വിനോദ് ഖന്ന. പഞ്ചാബിലെ ഗുര്‍ദാസ് പൂര്‍ ജില്ലിയില്‍ നിന്നുമാണ് ഖന്ന ലോക്‌സഭയിലെത്തിയത്. 70 വയസായ വിനോദ് ഖന്നയുടെ ദയനീയ ചിത്രം സാമൂഹ്യമാധ്യമങ്ങളില്‍ വൈറലായിരുന്നു. 2015ല്‍ പുറത്തിറങ്ങിയ ദില്‍വാലെയായിരുന്നു വിനോദ്ഖന്ന അഭിനയിച്ച അവസാന ചിത്രം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
