ചെന്നൈ : ഗുജറാത്ത് നിയമസഭാ തെരഞ്ഞെടുപ്പ് ഫലം പുറത്തുവന്നതിന് പിന്നാലെ പ്രതികരണവുമായി നടന്‍ പ്രകാശ് രാജ് രംഗത്തെത്തി. ഗുജറാത്ത് മോഡല്‍ വികസനത്തിനായി ജനങ്ങള്‍ ബിജെപിക്ക് വോട്ടുചെയ്യുമെന്നും, പാര്‍ട്ടി തെരഞ്ഞെടുപ്പില്‍ തൂത്തുവാരുമെന്നുമാണ് അവകാശപ്പെട്ടിരുന്നത്. എന്നാല്‍ നിങ്ങള്‍ അവകാശപ്പെട്ട 150 സീറ്റുകള്‍ എവിടെ..? പ്രകാശ് രാജ് ട്വിറ്ററില്‍ പോസ്റ്റുചെയ്ത സന്ദേശത്തില്‍ ചോദിച്ചു.
ജനങ്ങളെ പരസ്പരം ഭിന്നിപ്പിക്കുന്ന രാഷ്ട്രീയം ഗുണം ചെയ്തില്ല. പാകിസ്ഥാന്‍, മതം, ജാതി തുടങ്ങിയവയേക്കാള്‍ വലിയ പ്രശ്‌നങ്ങളാണ് രാജ്യം ഇപ്പോള്‍ അഭിമുഖീകരിക്കുന്നത്. ഗ്രാമീണ മേഖലയിലെ കര്‍ഷകര്‍, ദരിദ്രര്‍ തുടങ്ങിയവരുടെ ദയനീയ സ്വരം താങ്കള്‍ക്ക് കേള്‍ക്കാനാകുന്നുണ്ടോ എന്ന് പ്രകാശ് രാജ് ട്വീറ്റില്‍ ചോദിച്ചു. തെരഞ്ഞെടുപ്പ് വിജയത്തില്‍ അഭിനന്ദനങ്ങള്‍. പക്ഷെ താങ്കള്‍ തൃപ്തനാണോ എന്ന ചോദ്യത്തോടെയാണ് പ്രകാശ് രാജ് ട്വിറ്റര്‍ സന്ദേശം പോസ്റ്റ് ചെയ്തിട്ടുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
