റാംപൂര്‍: സല്‍ക്കാരത്തിന് ബീഫ് വിളമ്പാത്തതിന്റെ പേരില്‍ വിവാഹം മുടങ്ങി. ഉത്തര്‍പ്രദേശിലെ റാംപൂരിലാണ് സംഭവം. വിവാഹം ഉറപ്പിച്ച് ചടങ്ങുകള്‍ മാത്രം ബാക്കിനില്‍ക്കുന്ന സാഹചര്യത്തിലാണ് ബീഫിന്റെ പേരു ചൊല്ലി വിവാഹം വേണ്ടെന്ന് വെച്ചത്. വരന്റെ വീട്ടുകാരാണ് ബീഫ് വേണമെന്ന കാര്യത്തില്‍ നിര്‍ബന്ധം പിടിച്ച് കല്യാണം മുടക്കിയത്.
വിവാഹ ദിവസം എത്തിയ വരന്റെ ബന്ധുക്കള്‍ക്ക് ബീഫ് വിളമ്പണമെന്ന് വീട്ടുകാര്‍ ആവശ്യപ്പെട്ടു. എന്നാല്‍ യുപിയില്‍ ബീഫ് നിരോധിച്ച സാഹചര്യത്തില്‍ അത് പറ്റില്ലെന്നായി വധുവിന്റെ വീട്ടുകാര്‍. തുടര്‍ന്ന് ബീഫ് വിഭവങ്ങള്‍ വിളമ്പിയില്ലെങ്കില്‍ വിവാഹത്തിന് തയാറല്ലെന്ന നിലപാടില്‍ വരന്റെ വീട്ടുകാരും ബീഫ് വിളമ്പി വിവാഹം നേേടത്തണ്ടെന്ന നിലപാടില്‍ വധുവിന്റെ വീട്ടുകാരും എത്തിയതോടെ വിവാഹം വേണ്ടെന്നു വെക്കുകയായിരുന്നു.
യുപിയിലെ ബീഫ്‌നിരോധന നിയമം തെറ്റിച്ച് ബീഫ് വിളമ്പാന്‍ കഴിയാത്തതുകൊണ്ടും വരന്റെ വീട്ടുകാര്‍ സ്ത്രീധനം ആവശ്യപ്പെട്ടതുകൊണ്ടുമാണ് വിവാഹം വേണ്ടെന്ന് വെച്ചതെന്ന് വധുവിന്റെ മാതാവ് എഎന്‍ഐ ന്യൂസ് ഏജന്‍സിയോട് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
