മുസാഫര്‍നഗര്‍: സിബിഐ ഓഫിസറാണെന്നു പറഞ്ഞു യുപി പൊലീസിനെ കബളിപ്പിച്ച് റെയ്ഡ് നടത്താനിറങ്ങിയ മുസഫര്‍നഗര്‍ സ്വദേശിയായ ആള്‍ അറസ്റ്റിലായി. തലപ്പാവും കൃത്രിമത്താടിയുമായി ശനിയാഴ്ച രാത്രി 8നു ന്യൂ മാണ്ഡി പൊലീസ് സ്‌റ്റേഷനിലേക്കു കയറിവന്നയാള്‍ സിബിഐ ഉദ്യോഗസ്ഥനെന്നു സ്വയം പരിചയപ്പെടുത്തി പോക്കറ്റില്‍നിന്ന് എടുത്തു കാണിച്ചത് വ്യാജ തിരിച്ചറിയല്‍ രേഖകളും തട്ടിപ്പു സേര്‍ച് വാറന്റും.
ഇത് വിശ്വസിച്ച് സ്‌റ്റേഷന്‍ അധികൃതര്‍ വിട്ടു നല്‍കിയ 2 കോണ്‍സ്റ്റബിളുമാരുമായി സ്ഥലം വിട്ട ആള്‍മാറാട്ടക്കാരന്റെ പദ്ധതി പക്ഷേ പൊളിഞ്ഞത് ആദേശ് ഗോയല്‍ എന്ന ബിസിനസുകാരന്റെ വീട്ടില്‍ റെയ്ഡിനു ചെന്നപ്പോള്‍.
മുസഫര്‍നഗറിലെ വൃന്ദാവനില്‍ താമസിക്കുന്ന ഗോയല്‍ ഉത്തരാഖണ്ഡില്‍ അരിമില്‍ നടത്തുന്നയാളാണ്.സിബിഐ ഉദ്യോഗസ്ഥന്റെ ശബ്ദം നല്ല പരിചയമുണ്ടല്ലോയെന്നു തോന്നിയ വീട്ടുകാരില്‍ ഒരാള്‍ ാടിയിലൊന്ന് തൊട്ടുനോക്കിയപ്പോള്‍ അത് ഇളകി വന്നു!ബിസിനസുകാരന്റെ കീഴില്‍ പണ്ടു ജോലി ചെയ്തിരുന്ന ത്രിവിന്ദര്‍ കുമാറായിരുന്നു ആള്‍മാറാട്ടം നടത്തിയെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
