വ്യാജ നമ്പർപ്ലേറ്റും രേഖകളുമായി 'യൂസ്ഡ് കാർ' വിൽപന; പിടിച്ചെടുത്തത് 14 ആഡംബര കാറുകൾ 

ബെംഗളൂരു: വിവിധ സംസ്ഥാനങ്ങളിൽ നിന്ന് കാർ മോഷ്ടിച്ച് യൂസ്ഡ് കാർ എന്ന പേരിൽ വിൽപന നടത്തുന്ന തമിഴ്നാട് സ്വദേശി അറസ്റ്റിൽ. തമിഴ്നാട് തിരുച്ചിറപ്പിള്ളി സ്വദേശിയായ റൂഹുൽ ഖുദൂസ് എന്ന 42കാരനാണ് അറസ്റ്റിലായത്. കഴിഞ്ഞ വർഷം നവംബറിൽ ഹുളിമാവിൽ നിന്ന് ആഡംബര കാർ മോഷണം പോയ കേസിൽ നടത്തിയ അന്വേഷണത്തിലാണു റൂഹുൽ പിടിയിലായത്. 

മോഷ്ടിച്ച കാറുകൾ തിരുച്ചിറപ്പിള്ളിയിലെത്തിച്ച ശേഷം വ്യാജ നമ്പർപ്ലേറ്റും രേഖകളും തയാറാക്കും. പിന്നീട് യൂസ്ഡ് കാർ എന്ന പേരിൽ വിൽപന നടത്തുകയാണ് പതിവ്.  ഇയാളിൽ നിന്ന് 14 ആഡംബര കാറുകൾ ഹുളിമാവ് പൊലീസ് പിടികൂടി. റൂഹുലിനെതിരെ  തിരുവനന്തപുരത്തും കാർ മോഷണ കേസ് രജിസ്റ്റർ ചെയ്തിട്ടുണ്ട്.