ശശികലയുടെ പോസ്റ്ററുകള്‍ പാര്‍ട്ടി ആസ്ഥാനത്തു നിന്ന് മാറ്റി

ചെന്നൈ:  ടി.ടി.വി ദിനകരനെ പൊലീസ് അറസ്റ്റ് ചെയ്തതിന് പിന്നാലെ എഐഎഡിഎംകെ ആസ്ഥാനത്തു നിന്നും ശശികലയുടെ ചിത്രം പതിച്ച പോസ്റ്ററുകള്‍ പാര്‍ട്ടി പ്രവര്‍ത്തകര്‍ ഒഴിവാക്കി. അണ്ണാ ഡിഎംകെ ആസ്ഥാനത്തുനിന്നു ശശികലയുടെ ചിത്രങ്ങള്‍ നീക്കം ചെയ്യണമെന്ന ഒപിഎസ് വിഭാഗത്തിന്റെ ആവശ്യാനുസരണമാണ് പോസ്റ്ററുകള്‍ മാറ്റിയത്. ഒപിഎസ് നേതാവ് ഇ മധുസൂദനാണ് പ്രസ്തുത ആവശ്യവുമായി മുന്നോട്ട് വന്നത്.​

പോസ്റ്ററുകള്‍ ഒഴിവാക്കിയതില്‍ സന്തോഷമുണ്ടെന്നും പാര്‍ട്ടിക്ക് പരിശുദ്ധി തിരിച്ചു കിട്ടിയെന്നും മധുസൂദനന്‍ മാധ്യമങ്ങളോട് പറഞ്ഞു. പുതിയ നീക്കം പ്രചോദനവും സന്തോഷവും നല്‍കുന്നുവെന്നാണ് പനീര്‍സെല്‍വം പക്ഷം മാധ്യമ ഉപദേഷ്ടാവ് കെ സ്വാമിനാഥന്‍ പറഞ്ഞത്.