ലക്‌നൗ : സര്‍ക്കാര്‍ സ്‌കൂളുകള്‍ക്ക് ഞായറാഴ്ചയ്ക്ക് പകരം വെള്ളിയാഴ്ച അവധി കൊടുത്ത സംഭവത്തില്‍ അന്വേഷണത്തിന് ഉത്തരവിട്ട് യുപി സര്‍ക്കാര്‍. ഉത്തര്‍പ്രദേശിലെ ദോറിയ ജില്ലയിലെ നാല് പ്രൈമറി സ്‌കൂളുകള്‍ക്കാണ് ഞായറാഴ്ചയ്ക്ക് പകരം വെള്ളിയാഴ്ച അവധി നല്‍കിയത്. ഈ സ്‌കൂളുകളുടെ പേര് ഇസ്ലാമിയ പ്രൈമറി സ്‌കൂള്‍ എന്നാക്കി മാറ്റുകയും ചെയ്തിരുന്നു.
തിങ്കളാഴ്ചയാണ് സംഭവം സംസ്ഥാന വിദ്യാഭ്യാസ വകുപ്പിന്റെ ശ്രദ്ധയില്‍പ്പെടുന്നത്. തുടര്‍ന്ന് ജില്ലയിലെ ബേസിക് ശിക്ഷ അധികാരിയായ സന്തോഷ് ദേവ് പാണ്ഡെ ഈ സ്‌കൂളുകളില്‍ പരിശോധന നടത്തുകയും, സംഭവത്തില്‍ അന്വേഷണത്തിന് ഉത്തരവിടുകയും ചെയ്തു.
സ്‌കൂളുകളുടെ നടപടി നിയമ വിരുദ്ധമാണെന്ന് സന്തോഷ് ദേവ് പാണ്ഡെ പറഞ്ഞു. വിദ്യാലയങ്ങളുടെ പേര് മാറ്റിയ ബോര്‍ഡുകള്‍ നീക്കം ചെയ്യാനും വിദ്യാഭ്യാസ വകുപ്പ് സ്‌കൂള്‍ അധികൃതര്‍ക്ക് നിര്‍ദേശം നല്‍കിയിട്ടുണ്ട്. സ്‌കൂളിന്റെ യഥാര്‍ത്ഥ പേരുകള്‍ സ്ഥാപിക്കണം. സ്‌കൂളുമായി ബന്ധപ്പെട്ടുള്ള രേഖകള്‍ ഹിന്ദിയില്‍ തന്നെ എഴുതണമെന്നും സ്‌കൂളുകള്‍ക്ക് വിദ്യാഭ്യാസ വകുപ്പ് നിര്‍ദേശം നല്‍കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
