ന്യൂഡല്‍ഹി: ബിജെപി ഉള്‍പ്പെടെ ഫാസിസ്റ്റ് ശക്തികളെ നേരിടാന്‍ വിശാല സഖ്യം വേണമെന്ന് സിപിഐ. കോണ്‍ഗ്രസ് അടക്കമുള്ള മതേതര കക്ഷികളുമായി കൂട്ടുകൂടുന്നതില്‍ തെറ്റില്ലെന്നും സിപിഐ ദേശീയ നിര്‍വാഹകസമിതി യോഗം വിലയിരുത്തി. സിപിഐയുടെ 23ാം പാര്‍ട്ടി കോണ്‍ഗ്രസിന്റെ കരട് രാഷ്ട്രിയ പ്രമേയം ചര്‍ച്ച ചെയ്യുന്നതിനായി വിളിച്ചു ചേര്‍ത്ത ദേശീയ നിര്‍വാഹക സമിതി യോഗത്തിലാണ് ഇത്തരം അഭിപ്രായമുയര്‍ന്നത്.
കോണ്‍ഗ്രസുമായി സഖ്യമുണ്ടാക്കുന്നതില്‍ ദേശീയ നിര്‍വാഹക സമിതിയില്‍ വ്യത്യസ്ത അഭിപ്രായങ്ങള്‍ ഉയര്‍ന്നെങ്കിലും കോണ്‍ഗ്രസ് ഉള്‍പ്പെടെയുള്ള ശക്തമായ മതേതരപാര്‍ട്ടികളുമായി സഖ്യമുണ്ടാക്കിയാല്‍ മാത്രമെ ഫാസിസത്തിനെതിരെ പ്രതിരോധം തീര്‍ക്കാന്‍ കഴിയൂ എന്നതായിരുന്നു യോഗത്തിന്റെ പൊതുനിലപാട്. അതേസമയം സംസ്ഥാന തലത്തില്‍ അനുയോജ്യമായ തീരൂമാനം കൊക്കൊളളാമെന്നും കേരളത്തില്‍ കോണ്‍ഗ്രസുമായി സഖ്യം ഉണ്ടാക്കേണ്ടതില്ലെന്നുമായിരുന്നു യോഗത്തില്‍ പ്രധാനമായും ഉയര്‍ന്നു വന്നത്. പോണ്ടിച്ചേരി പാര്‍ട്ടി കോണ്‍ഗ്രസ് കൈക്കൊണ്ടതിന് സമാനമായ സാഹചര്യമാണ് ഇന്നത്തെ രാജ്യത്തെ അവസ്ഥയെന്നും കോണ്‍ഗ്രസിനെ മാറ്റി നിര്‍ത്തി വിശാല സഖ്യം സാധ്യമല്ലെന്നുമായിരുന്നു യോഗത്തിലെ പൊതു അഭിപ്രായം
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
