ഡല്‍ഹി: സിയാച്ചിനിലെ കൊടുംമഞ്ഞില്‍ രാജ്യത്തിന്റെ അതിര്‍ത്തി കാക്കുന്ന പട്ടാളക്കാരന് എന്ന പേരില്‍ ബി.ജെ.പി എം.പിയും നടിയുമായ കിരണ്‍ ഖേര്‍ സോഷ്യല്‍ മീഡിയയില്‍ പങ്കുവെച്ചത് റഷ്യന്‍ പട്ടാളക്കാരന്റെ ഫോട്ടോ. ചിത്രത്തോടൊപ്പം ഇന്ത്യന്‍ ആര്‍മിയെ ബഹുമാനിക്കുകയും ആദരിക്കുകയും ചെയ്യണമെന്ന അടിക്കുറിപ്പോടെയാണ് ചിത്രം ട്വിറ്ററില്‍ പോസ്റ്റ് ചെയ്തത്. എന്നാല്‍ ഇത്തരം വ്യാജവാര്‍ത്തകള്‍ കണ്ടെത്തി പ്രചരിപ്പിക്കുന്ന ഗ്രൂപ്പുകളും വ്യക്തികളുമാണ് ഈ ചിത്രത്തിന്റെ യാഥാര്‍ത്ഥ്യം പുറത്തുകൊണ്ടുവന്നത്.
നേരത്തെ സമാന ചിത്രം ലാഫിംഗ് കളേഴ്‌സ് എന്ന ഫേസ്ബുക്ക് പേജ് കഴിഞ്ഞ വര്‍ഷം ഷെയര്‍ ചെയ്തിരുന്നു. ഇതാണ് കിരണ്‍ ഖേര്‍ വീണ്ടും പോസ്റ്റ് ചെയ്തത്. കിരണ്‍ ഖേറിനെ കളിയാക്കി നിരവധി പോസ്റ്റുകളാണ് സോഷ്യല്‍ മീഡിയയില്‍ പ്രചരിക്കുന്നത്.നിങ്ങള്‍ പോസ്റ്റ് ചെയ്യുന്ന വ്യാജ ചിത്രങ്ങള്‍ കണ്ടുകൊണ്ടല്ല ഞങ്ങളില്‍ രാജ്യ സ്‌നേഹം വളരുന്നത് എന്നതാണ് ഒരാളുടെ കമന്റ്. തെറ്റാണെന്നു മനസിലായിട്ടും എന്തുകൊണ്ടാണ് താങ്കള്‍ പോസ്റ്റ് പിന്‍വലിക്കാത്തതെന്നാണ് മറ്റൊരു ചോദ്യം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
