സ്ത്രീയുമായി പ്രണയബന്ധമുണ്ടെന്ന് ആരോപണം; സന്ന്യാസി സ്വന്തം ജനനേന്ദ്രിയം ഛേദിച്ചു

ബാംന: സ്ത്രീയുമായി പ്രണയത്തിലാണെന്ന ആരോപണം ഉയര്‍ന്നതില്‍ മനം നൊന്ത് സന്ന്യാസി സ്വന്തം ജനനേന്ദ്രിയം ഛേദിച്ചു. ഉത്തര്‍പ്രദേശിലെ ബാംന ജില്ലയിലാണ് സംഭവം. ശത്രുക്കള്‍ തനിക്കെതിരെ നടത്തുന്ന അപവാദപ്രചരണങ്ങളുടെ ഭാഗമാണ് ഇതെന്നും ആരുമായും പ്രണയബന്ധമില്ലെന്നും തെളിയിക്കുന്നതിനാണ് മദാനി ബാബ ഈ സാഹസത്തിന് മുതിര്‍ന്നതെന്ന് പൊലീസ് അറിയിച്ചു.

പ്രദേശവാസിയായ സ്ത്രീയുമായി ബന്ധപ്പെടുത്തി 28കാരനായ സന്ന്യാസിയെ ഒരു സംഘം ആളുകള്‍ പരിഹസിച്ചിരുന്നതായി പൊലീസ് പറയുന്നു. ഇദ്ദേഹം ഇപ്പോള്‍ ബാംനയിലെ ജില്ലാശുപത്രിയില്‍ ചികിത്സയിലാണ്. സംഭവത്തില്‍ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.