ഹന്ദ്വാരയിൽ ആക്രമണം; മൂന്ന് ജവാൻമാർക്ക് വീര മൃത്യു; ഒരു ഭീകരനെ വധിച്ചു 

ശ്രീനഗർ: ഹന്ദ്വാരയിൽ ഭീകരാക്രമണത്തിൽ മൂന്ന് ജവാൻമാർക്ക് വീര മൃത്യു. സിആർപിഎഫ് പട്രോളിങ്ങ് സംഘത്തിന് നേരെയാണ് ഭീകരർ ആക്രമണം നടത്തിയത്. ആക്രമണത്തിൽ ഏഴ് പേർക്ക് പരിക്കേറ്റു. ഏറ്റുമുട്ടലിൽ ഒരു ഭീകരനെ വധിച്ചതായി സിആർപിഎഫ് വ്യക്തമാക്കി. 

ഹന്ദ്വാരയിലെ ഖാസിയാബാദ് പ്രദേശത്തുവെച്ചാണ് സിആർപിഎഫിന് നേരെ ആക്രമണമുണ്ടായത്. തുടർന്ന് സിആർപിഎഫും ഭീകരരും തമ്മിൽ വെടിവെപ്പ് നടന്നു. 

കുപ്‌വാരയിൽ ശനിയാഴ്ച തീവ്രവാദികളുമായി നടന്ന ഏറ്റുമുട്ടലിൽ രണ്ട് സൈനിക ഉദ്യോഗസ്ഥർ ഉൾപ്പെടെ അഞ്ച് സുരക്ഷാ ഉദ്യോഗസ്ഥർ വീരമൃത്യു വരിച്ചിരുന്നു. ഒരു ദിവസത്തിന് ശേഷമാണ് വീണ്ടുംഭീകരരുമായി ഏറ്റുമുട്ടൽ ഉണ്ടായിരിക്കുന്നത്.