കോവിഡ് നിരീക്ഷണത്തില്‍ കഴിയുന്ന എംഎല്‍എയ്‌ക്കൊപ്പം വിരുന്ന് കഴിച്ച നാല് മാധ്യമപ്രവര്‍ത്തകര്‍ ഐസൊലേഷനില്‍. തെലങ്കാനയിലെ ഗഡ്‌വാല ടൗണില്‍ ഹോം ക്വാറന്റൈനില്‍ കഴിയുന്ന എംഎല്‍എയ്ക്ക് ഒപ്പമാണ് ഇവര്‍ ഭക്ഷണം കഴിച്ചത്. ഈ പ്രദേശം റെഡ് സോണ്‍ മേഖലയാണ്.
എംഎല്‍എയ്ക്ക് ഒപ്പം ഭക്ഷണം കഴിച്ച അഞ്ചുപേരെക്കൂടി ക്വാറന്റൈനിലാക്കുമെന്നാണ് സൂചന. എംഎല്‍എ പങ്കെടുത്ത ശവസംസ്‌കാര ചടങ്ങിനെത്തിയ രണ്ടുപേര്‍ക്ക് കോവിഡ് 19 സ്ഥിരീകരിച്ചതോടെയാണ് അദ്ദേഹം ഹോം ക്വാറന്റൈനിലായത്. എംഎല്‍എയുടെ പരിശോധന ഫലം നെഗറ്റീവാണ്.
സുരക്ഷാ മുന്‍കരുതലിന്റെ ഭാഗമായാണ് മാധ്യമപ്രവര്‍ത്തകരെ നിരീക്ഷണത്തിലാക്കിയതെന്നും ഇവര്‍ക്ക് കോവിഡ് ലക്ഷണങ്ങളിലെന്നും ആരോഗ്യവകുപ്പ് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
