​ഗോവയിൽ ഇന്ന് വിശ്വാസവോട്ടെടുപ്പ് ; പ്രമോദ് സാവന്ത് സർക്കാരിന് ആദ്യ അ​ഗ്നിപരീക്ഷ 

പ​നാ​ജി: ഗോ​വ​യി​ല്‍ കഴിഞ്ഞ ദിവസം അധികാരമേറ്റ പ്ര​മോ​ദ് സാ​വ​ന്തി​ന്‍റെ നേ​തൃ​ത്വ​ത്തി​ലു​ള്ള ബി​ജെ​പി സ​ര്‍​ക്കാ​ര്‍ ഇ​ന്ന് നി​യ​മ​സ​ഭ​യി​ല്‍ വി​ശ്വാ​സ വോ​ട്ട് തേ​ടും. 36 അം​ഗ സഭയിൽ 21 പേരുടെ പിന്തുണയുണ്ടെന്നാണ് ബിജെപി അവകാശപ്പെടുന്നത്. തി​ങ്ക​ളാ​ഴ്ച രാ​ത്രി​യാ​ണ് പ്ര​മോ​ദ് സാ​വ​ന്തും ര​ണ്ട് ഉ​പ​മു​ഖ്യ​മ​ന്ത്രി​മാ​രു​ൾ​പ്പെ​ടെ 11 മ​ന്ത്രി​മാ​രും സ​ത്യ​പ്ര​തി​ജ്ഞ ചെ​യ്ത​ത്.

മുഖ്യമന്ത്രി മനോഹർ പരീക്കറുടെ നിര്യാണത്തെ തുടർന്നാണ് പ്രമോദ് സാവന്തിനെ പുതിയ മുഖ്യമന്ത്രിയായി തെരഞ്ഞെടുത്തത്. കേ​വ​ല ഭൂ​രി​പ​ക്ഷ​ത്തി​നു വേ​ണ്ട​ത് 19 പേ​രു​ടെ പി​ന്തു​ണ​യാ​ണ്. ബി​ജെ​പി-12, ജി​എ​ഫ്പി-3, എം​ജി​പി-3, സ്വ​ത​ന്ത്ര​ർ-3 എ​ന്നി​ങ്ങ​നെ​യാ​ണു സ​ർ​ക്കാ​രി​നെ പി​ന്തു​ണ​യ്ക്കു​ന്ന​വ​ർ. 

പ്ര​തി​പ​ക്ഷ​ത്ത് കോ​ൺ​ഗ്ര​സി​ന് 14ഉം ​എ​ൻ​സി​പി​ക്ക് ഒ​രു അം​ഗ​വു​മു​ണ്ട്. 40 അം​ഗ സ​ഭയിൽ രണ്ടു പേ​രു​ടെ രാ​ജി​യും മ​നോ​ഹ​ർ പ​രീ​ക്ക​ർ ഉ​ൾ​പ്പെ​ടെ രണ്ടു പേ​രു​ടെ മ​ര​ണ​വും മൂ​ലം നി​ല​വി​ലെ അം​ഗ​ബ​ലം 36 ആ​ണ്. വലിയ കക്ഷിയായ തങ്ങലെ സർക്കാരുണ്ടാക്കാൻ ക്ഷണിക്കാത്ത ​ഗവർണറുടെ നടപടിയിൽ കോൺ​ഗ്രസ് പ്രതിഷേധത്തിലാണ്.