തിരുവനന്തപുരം: കോവിഡ് രോഗവ്യാപനം വര്ധിച്ചതിനെത്തുടര്ന്ന് തിരുവനന്തപുരം കോര്പ്പറേഷനിലെ 11 ഡിവിഷനുകള് ക്രിട്ടിക്കല് കണ്ടെയ്ന്മെന്റ് സോണുകളായി പ്രഖ്യാപിച്ചെന്നു ജില്ലാ കലക്ടര് ഡോ. നവ്ജ്യോത് ഖോസ അറിയിച്ചു.
പൂങ്കുളം, വലിയതുറ, വെങ്ങാനൂര്, പൗണ്ടുകടവ്, പൊന്നുമംഗലം, അണമുഖം, മുടവന്മുകള്, ചന്തവിള, മുള്ളൂര്, തൃക്കണ്ണാപുരം, ബീമാപ്പള്ളി ഈസ്റ്റ് ഡിവിഷനുകളെയാണു ക്രിട്ടിക്കല് കണ്ടെയ്ന്മെന്റ് സോണുകളായി പ്രഖ്യാപിച്ചത്.
ഇവിടങ്ങളില് കര്ശന ലോക്ക്ഡൗണ് നിയന്ത്രണങ്ങള് ഏര്പ്പെടുത്തും. ശനിയാഴ്ചയും ഞായറാഴ്ചയും സംസ്ഥാനത്ത് പ്രഖ്യാപിച്ചിട്ടുള്ള സമ്പൂര്ണ ലോക്ക്ഡൗണ് നിയന്ത്രണങ്ങള് ഈ സ്ഥലങ്ങളില് എല്ലാ ദിവസവും ബാധകമായിരിക്കുമെന്നും അറിയിപ്പില് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
