തൃശൂര്‍: മൂന്നര ദിവസത്തെ തിരച്ചിലിനൊടുവില്‍ കരുവന്നൂര്‍ പുഴയില്‍ മുങ്ങി മരിച്ച യുവാവിന്റെ മൃതദേഹം കണ്ടെത്തി. ഇരിങ്ങാലക്കുട കൊരുമ്പിശ്ശേരി വല്യവീട്ടില്‍ പരേതനായ വേണുവിന്റെ മകന്‍ ഹരികൃഷ്ണന്‍ (21 ) ആണ് മരിച്ചത്.
സുഹൃത്തിന് സന്ദേശം അയച്ചതിന് ശേഷം ബുധനാഴ്ച രാത്രി 9.30യോടെയാണ് യുവാവ് പുഴയിലേക്ക് ചാടിയത്. ബസ് സ്റ്റാന്‍ഡ് പരിസരത്ത് ബൈക്ക് വച്ചതിന് ശേഷം കരുവന്നൂരിലേക്ക് ബസ്സില്‍ വന്ന് ഇറങ്ങുകയായിരുന്നു. അഗ്‌നിശമനാ വിഭാഗത്തിന്റെയും സ്‌കൂബാ ടീമിന്റെയും നേത്യത്വത്തില്‍ ബുധനാഴ്ച രാത്രി മുതല്‍ തന്നെ പുഴയില്‍ തിരച്ചില്‍ നടത്തി വരികയായിരുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ശനിയാഴ്ച പന്ത്രണ്ടരയോടെ ഇറിഗേഷന്‍ ബണ്ട് റോഡിനോട് ചേര്‍ന്ന് നീരോലിത്തോട് പരിസരത്ത് മൃതദേഹം പൊങ്ങിയെന്ന് അഗ്‌നിശമനാ വിഭാഗം അറിയിച്ചു. മൃതദേഹം താലൂക്ക് ആശുപത്രിയിലേക്ക് മാറ്റിയിട്ടുണ്ട്. സിവില്‍ എഞ്ചിനീയറിംഗില്‍ ഡിപ്‌ളോമ പൂര്‍ത്തിയാക്കിയിരുന്നു ഹരികൃഷ്ണന്‍. അമ്മ: രമാഭായ്. സഹോദരന്‍: ഉണ്ണികൃഷ്ണന്‍
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
