കൊച്ചി: മസാല ബോണ്ട് കേസുമായി ബന്ധപ്പെട്ട് ചോദ്യം ചെയ്യലിനു ഹാജരാകാന് ആവശ്യപ്പെട്ട് സിപിഎം നേതാവും മുന് മന്ത്രിയുമായ തോമസ് ഐസക്കിന് വീണ്ടും എന്ഫോഴ്സ്മെന്റ് ഡയറക്ടറേറ്റ് (ഇ ഡി) നോട്ടീസ് അയച്ചു. ചൊവ്വാഴ്ച ഇ ഡിയുടെ കൊച്ചി ഓഫീസില് ഹാജരാകണമെന്നാണ് നിര്ദ്ദേശം. ബന്ധപ്പെട്ട രേഖകളും ഹാജരാക്കണമെന്ന് നിര്ദ്ദേശമുണ്ട്.
മസാല ബോണ്ടുമായി ബന്ധപ്പെട്ടുള്ള ഇ ഡിയുടെ സമന്സ് ചോദ്യം ചെയ്തു തോമസ് ഐസക് നല്കിയ ഹര്ജിയില് ഹൈക്കോടതി ഇ ഡിക്ക് നോട്ടീസ് അയച്ചിരുന്നു. ഹര്ജി ഈ മാസം ഒന്പതിനു പരിഗണിക്കുന്നതിനു മുമ്പായി നോട്ടീസിനു മറുപടി നല്കണമെന്നായിരുന്നു നിര്ദ്ദേശം. ഇതിനിടെയാണ് ചൊവ്വാഴ്ച ഹാജരാകാന് ആവശ്യപ്പെട്ട് പുതിയ നോട്ടീസ് നല്കിയത്.
മുന്പും ഇ ഡി അയച്ച സമന്സിനെതിരെ തോമസ് ഐസക്കും കിഫ്ബിയും ഹൈക്കോടതിയെ സമീപിച്ചിരുന്നു. തുടര്ന്ന് ഇ ഡി സമന്സ് പിന്വലിച്ചു. എന്നാല് ആഴ്ചകള്ക്കകം വീണ്ടും സമന്സ് അയച്ചിരിക്കുകയാണെന്നു ചൂണ്ടിക്കാട്ടിയാണ് വീണ്ടും കോടതിയിലെത്തിയത്. ഈ ഹര്ജി പരിഗണിച്ചാണ്, ഫെബ്രുവരി ഒന്പതിനകം മറുപടി നല്കാന് ഹൈക്കോടതി ഇ ഡിക്കു നോട്ടീസ് അയച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
