തിരുവനന്തപുരം: മുതിര്‍ന്ന കോണ്‍ഗ്രസ് നേതാവും മുന്‍മുഖ്യമന്ത്രിയുമായ എ കെ ആന്റണി വൈകീട്ട് മാധ്യമങ്ങളെ കാണും. കെപിസിസി ആസ്ഥാനത്ത് വൈകീട്ട് 5.30 നാണ് ആന്റണി മാധ്യമപ്രവര്‍ത്തകരെ കാണുക. മകന്‍ അനില്‍ ആന്റണി ബിജെപിയില്‍ ചേര്‍ന്ന സാഹചര്യത്തില്‍ എ കെ ആന്റണിയുടെ വാര്‍ത്താസമ്മേളനം ഏറെ ശ്രദ്ധേയമാണ്.
മകന്‍ അനില്‍ ആന്റണിയുമായി ഏറെക്കാലമായി രാഷ്ട്രീയ കാര്യങ്ങള്‍ ചര്‍ച്ച ചെയ്യാറില്ലെന്ന് എകെ ആന്റണി വ്യക്തമാക്കിയിരുന്നു. തന്നോടൊപ്പമല്ലെന്നും, അനില്‍ ഡല്‍ഹിയിലാണ് താമസിക്കുന്നതെന്നും ആന്റണി പറഞ്ഞു.. വാര്‍ത്താസമ്മേളനത്തില്‍ അനില്‍ ആന്റണിക്കെതിരെ എ കെ ആന്റണി നിലപാട് സ്വീകരിച്ചേക്കുമെന്നാണ് സൂചന.
അതേസമയം മുമ്പ് അനില്‍ ആന്റണി ബിജെപി അനുകൂല നിലപാട് സ്വീകരിച്ചപ്പോഴെല്ലാം എ കെ ആന്റണി നിശബ്ദത പാലിക്കുകയായിരുന്നു. രാഹുല്‍ ഗാന്ധിക്കെതിരെ രൂക്ഷവിമര്‍ശനം അനില്‍ ആന്റണി ഉന്നയിച്ചിരുന്നു. മോദിക്കെതിരായ ഗുജറാത്ത് കലാപവുമായി ബന്ധപ്പെട്ട ബിബിസി വിവാദത്തെത്തുടര്‍ന്നാണ് അനില്‍ ആന്റണി കോണ്‍ഗ്രസ് നേതൃത്വവുമായി തെറ്റിപ്പിരിയുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
