തിരുവനന്തപുരം: എഡിജിപി എം ആര് അജിത് കുമാറിനെതിരായ പി വി അന്വര് എംഎല്എയുടെ ആരോപണങ്ങളില് മുഖ്യമന്ത്രി റിപ്പോര്ട്ട് തേടി. സംസ്ഥാന പൊലീസ് മേധാവി ഷെയ്ഖ് ദര്വേശ് സാഹിബിനോടാണ് റിപ്പോര്ട്ട് തേടിയത്.
ആരോപണങ്ങള് പൊലീസ് ഉന്നതരെ കൂടാതെ മുഖ്യമന്ത്രിയുടെ പൊളിറ്റിക്കല് സെക്രട്ടറിയിലേക്കും നീങ്ങുകയും അത് മുഖ്യമന്ത്രിയെയും ആഭ്യന്തര വകുപ്പിനെയും വെട്ടിലാക്കുകയും ചെയ്ത പശ്ചാത്തലത്തിലാണ് സര്ക്കാരിന്റെ ഇടപെടല്. ആരോപണങ്ങളില് വിശദീകരണം എന്ന നിലയ്ക്കാണ് റിപ്പോര്ട്ട് തേടിയത്. റിപ്പോര്ട്ടിനു ശേഷം തുടര്നടപടികളിലേക്ക് കടക്കുമെന്നാണ് സൂചന.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ക്രമസമാധാന ചുമതലയുള്ള എഡിജിപി അജിത് കുമാറിനെതിരെ ഗുരുതര ആരോപണങ്ങളാണ് പി വി അന്വര് എഎല്എ വെളിപ്പെടുത്തിയത്. അജിത് കുമാര് നൊട്ടോറിയസ് ക്രിമിനല് ആണെന്നും അദ്ദേഹത്തിന്റെ മാതൃക കുപ്രസിദ്ധനായ ദാവൂദ് ഇബ്രാഹിം ആണെന്നും അന്വര് പറഞ്ഞു. സ്വര്ണക്കള്ളക്കടത്തുമായി ബന്ധപ്പെട്ട് അജിത് കുമാര് ആളുകളെ തല്ലിക്കുകയും കൊല്ലിക്കുകയും ചെയ്തിട്ടുണ്ടെന്നും അന്വര് ആരോപിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
