തൃശൂര്‍: വ്യക്തിയധിക്ഷേപം നടത്തിയെന്ന് കാണിച്ച് സിപിഎം നേതാവ് പികെ ബിജുവിന് മുന്‍ എംഎല്‍എ അനില്‍ അക്കര നോട്ടീസയച്ചു. തൃശൂരില്‍ എല്‍ഡി.എഫ് സഘടിപ്പിച്ച സഹകാരി മാര്‍ച്ചിന്റെഭാഗമായുള്ള പ്രതിഷേധ സംഗമത്തില്‍ പ്രസംഗിക്കുമ്പോള്‍ 'വാച്ച് ഡോഗ്' എന്ന ആക്ഷേപിച്ചെന്ന് ചൂണ്ടിക്കാട്ടിയാണ് അഭിഭാഷകന്‍ മുഖേന അനില്‍ അക്കര നോട്ടീസ് അയച്ചത്.
അടാട്ട് ഫാര്‍മേഴ്‌സ് ബാങ്ക് വിഴുങ്ങിയ വിദ്വാനെന്ന് കുറ്റപ്പെടുത്തിയതും വടക്കാഞ്ചേരിയില്‍ 140 പേര്‍ക്ക് ലൈഫ് മിഷന്‍ വീട് കിട്ടാതിരിക്കാന്‍ സിബിഐയില്‍ കേസ് കൊടുത്തെന്ന് പറഞ്ഞതും വാസ്തവ വിരുദ്ധവും അവമതിപ്പ് സൃഷ്ടിക്കുന്നതുമാണെന്ന് നോട്ടീസില്‍ പറയുന്നു.
15 ദിവസത്തിനകം മാപ്പ് പറയണമെന്നും മാനിഹാനിക്ക് പരിഹാരമായി ഒരു ലക്ഷം രൂപ നല്‍കണമെന്നുമാണ് അഡ്വ. എം സച്ചിന്‍ ആനന്ദ് മുഖേന അയച്ച നോട്ടീസില്‍ പറയുന്നത്.
ഈ വാര്‍ത്ത കൂടി വായിക്കാം നിപ; മഞ്ചേരിയിൽ ഒരാൾ നിരീക്ഷണത്തിൽ, മലപ്പുറത്തും ജാഗ്രതാ നിർദേശം
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
