എംഎൽഎ ഷാനിമോൾ ഉസ്മാന് കോവിഡ്  

ആലപ്പുഴ: അരൂർ എംഎൽഎ ഷാനിമോൾ ഉസ്മാന് കോവിഡ് 19 സ്ഥിരീകരിച്ചു. നേരത്തെ ആലപ്പുഴ ഡിസിസി പ്രസിഡൻറ് അടക്കം മൂന്ന് കോൺഗ്രസ് നേതാക്കൾക്ക് വൈറസ് ബാധ സ്ഥിരീകരിച്ചിരുന്നു. ഇതിന് പിന്നാലെയാണ് എംഎൽഎക്കും കോവിഡ് പോസിറ്റീവ് ആണെന്ന സ്ഥിരീകരണം ഉണ്ടായത്. രോ​ഗവിവരം ഷാനിമോൾ ഉസ്‌മാൻ ഫേസ്‌ബുക് പേജിലൂടെ അറിയിച്ചിട്ടുണ്ട്. 

കോവിഡ് പോസിറ്റീവ് ആണെന്ന് കണ്ടെത്തിയതായും താനുമായി നേരിട്ട് സമ്പർക്കത്തിൽ ഏർപ്പെട്ടവർ സ്വയം നിരീക്ഷണത്തിൽ പോകണമെന്നും ഷാനിമോൾ ഉസ്‌മാൻ ഫേസ്ബുക് പോസ്റ്റിൽ ആവശ്യപ്പെട്ടു. ആലപ്പുഴ ഡിസിസി ഓഫീസിൽ നടന്ന സ്ഥാനാർഥി നിർണായ ചർച്ചകളിലെല്ലാം കഴിഞ്ഞ ദിവസങ്ങളിൽ ഷാനിമോൾ പങ്കെടുത്തിരുന്നു.