കോഴിക്കോട് പൊലീസ് സംഘത്തിന് നേരെ ആക്രമണം; എസ്ഐ ഉൾപ്പെടെയുള്ളവർക്ക് ​ഗുരുതര പരിക്ക്

കോഴിക്കോട്: പ്രതിയെ പിടികൂടാൻ പോയ പൊലീസ് സംഘത്തിന് നേരെ ആക്രമണം. കോഴിക്കോട് ജില്ലയിലെ കുറ്റ്യാടി നിട്ടൂരിലാണ് സംഭവം. ഇന്നലെ രാത്രി 11 മണിയോടെയായിരുന്നു ആക്രമണം. പൊലീസ് ജീപ്പും അക്രമി സംഘം തകർത്തു.

സംഭവത്തിൽ എസ്ഐ ഉൾപ്പെടെ നാല് പൊലീസുകാർക്ക് ​ഗുരുതരമായി പരിക്കേറ്റു. പരിക്കേറ്റ ഒരു പൊലീസുകാരനെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. 

സംഭവത്തിന് പിന്നിൽ സിപിഎം പ്രവർത്തകരാണെന്ന് പൊലീസ് പറയുന്നു. ബിജെപി പ്രവർത്തകനെ ആക്രമിച്ച സംഭവത്തിലെ പ്രതിയെ തേടി പോയപ്പോഴാണ് ആക്രമണമുണ്ടായതെന്നും പൊലീസ് വ്യക്തമാക്കി.