മലപ്പുറം: മുസ്ലീം ലീഗ് ഓഫീസിനു നേരെ നടന്ന ആക്രമണത്തില് പ്രതിഷേധിച്ച് ഇന്ന് ഹര്ത്താല്. മലപ്പുറം ജില്ലയിലെ പെരിന്തല്മണ്ണ നിയോജക മണ്ഡലത്തിലാണ് യുഡിഎഫ് ഹര്ത്താലിന് ആഹ്വാനം ചെയ്തത്. രാവിലെ 6 മുതല് വൈകിട്ട് 6 മണി വരെയാണ് ഹര്ത്താല്.
പെരിന്തല്മണ്ണ മുസ്ലീം ലീഗ് ഓഫീസിനു നേരെ കല്ലേറുണ്ടായതില് പ്രതിഷേധിച്ചാണ് ഹര്ത്താല്. സിപിഎം പ്രവര്ത്തകരാണ് ആക്രമണത്തിനു പിന്നിലെന്ന് മുസ്ലീം ലീഗ് ആരോപിച്ചു. നജീബ് കാന്തപുരം എംഎല്എയുടെ നേതൃത്വത്തില് മുസ്ലീം ലീഗ് പ്രവര്ത്തകര് പെരിന്തല്മണ്ണയില് റോഡ് ഉപരോധിച്ച് പ്രതിഷേധിച്ചു.
കഴിഞ്ഞ ദിവസം വൈകീട്ട് പെരിന്തല്മണ്ണയില് സിപിഎം ഓഫീസിന് നേരെ കല്ലേറുണ്ടായിരുന്നു. ഇതില് പ്രതിഷേധിച്ച് സിപിഎം പ്രവര്ത്തര് നടത്തിയ പ്രകടനത്തിനിടെയാണ് മുസ്ലീം ലീഗ് ഓഫീസിന് നേരെ കല്ലേറുണ്ടായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
