പാലക്കാട്: ആദിവാസി ഭൂമി കയ്യേറിയെന്ന കേസില് എച്ച്ആര്ഡിഎസ് സെക്രട്ടറി അജി കൃഷ്ണന് കര്ശന ഉപാധികളോടെ ജാമ്യം. ഒരു ലക്ഷം രൂപ കെട്ടിവെയ്ക്കുകയും രണ്ടുപേര് ആള്ജ്യാമം നില്ക്കുകയും വേണം. അന്വേഷണ ഉദ്യോഗസ്ഥന് മുമ്പില് ഒപ്പിടാന് പോകുന്നത് ഒഴിച്ചാല് രണ്ടുമാസത്തേക്ക് അട്ടപ്പാടി താലൂക്കില് പ്രവേശിക്കരുതെന്ന് മണ്ണാര്ക്കാട് എസ് സി എസ് ടി കോടതിയുടെ ഉത്തരവില് പറയുന്നു.
പാസ്പോര്ട്ട് കോടതിയില് ഹാജരാക്കണമെന്നും ഉപാധിയുണ്ട്. ആദിവാസികളെ കയ്യേറ്റം ചെയ്യുകയും ഭൂമി തട്ടിയെടുക്കുകയും ചെയ്തെന്ന പരാതിയിലാണ് അജി കൃഷ്ണനെ ഷോളയൂര് പൊലീസ് അറസ്റ്റ് ചെയ്തത്. ഒരു വര്ഷം മുന്പ് നടന്ന സംഭവത്തില് നിയമോപദേശം ലഭിച്ചതിന്റെ അടിസ്ഥാനത്തിലാണ് പൊലീസ് നടപടി.
ഷോളയാര് വട്ടലക്കി എന്ന സ്ഥലത്ത് പട്ടികവര്ഗ വിഭാഗത്തില്പ്പെട്ട രാമന് എന്നയാളുടെ ഭൂമി കയ്യേറിയതിനാണ് കേസ്. സ്ഥലത്ത് മാരകായുധങ്ങളുമായി എത്തി രാമനെയും ബന്ധുക്കളെയും ഭീഷണിപ്പെടുത്തി, കുടിലിനു തീ വച്ചു അവരെ ഒഴിപ്പിച്ചു സ്ഥലം കയ്യേറി എന്നാണ് കേസ്. ഒരു വര്ഷം മുമ്പ് നല്കിയ പരാതിയില് നേരത്തെ കേസെടുത്തിരുന്നെങ്കിലും ഇപ്പോഴാണ് അറസ്റ്റ്. വിദേശത്തായിരുന്ന അജി കൃഷ്ണന് അട്ടപ്പാടിയില് തിരിച്ചെത്തിയതിനു തൊട്ടു പിറകെയാണ് അറസ്റ്റ് ചെയ്തത്.സ്വര്ണ്ണക്കടത്ത് കേസ് പ്രതി സ്വപ്ന സുരേഷിന് ജോലി നല്കിയതിനെ തുടര്ന്നാണ് സന്നദ്ധ സംഘനയായ എച്ച്ആര്ഡിഎസ് വാര്ത്തകളില് നിറഞ്ഞത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
