തിരുവനന്തപുരം: വൈദ്യുതി മന്ത്രി സണ്ണി ജോസഫിന്റെ സ്പെഷല് പ്രൈവറ്റ് സെക്രട്ടറിയായി കോണ്ഗ്രസ് നേതാവ് ചന്ദ്രന് തില്ലങ്കേരിയെ നിയമിക്കാന് തീരുമാനം. കെപിസിസി സെക്രട്ടറിയാണ് ചന്ദ്രന് തില്ലങ്കേരി. ബെന്നി തോമസ് രാജിവെച്ച ഒഴിവിലാണ് പുതിയ നിയമനം. ബന്ധുനിയമന വിവാദത്തെത്തുടര്ന്നാണ് ബെന്നി തോമസ് രാജിവെച്ചത്.
ചന്ദ്രന് തില്ലങ്കേരിയുടെ നിയമനത്തിന് മുഖ്യമന്ത്രിയുടെ ഓഫീസ് അംഗീകാരം നല്കി. നിയമസഭ തെരഞ്ഞെടുപ്പില് കണ്ണൂരിലെ മട്ടന്നൂര് മണ്ഡലത്തില് യുഡിഎഫ് സ്ഥാനാര്ത്ഥിയായിരുന്നു ചന്ദ്രന് തില്ലങ്കേരി. ഇടതു ശക്തികേന്ദ്രമായ മട്ടന്നൂരില് ഇത്തവണ സിപിഎം സ്ഥാനാര്ത്ഥിയുടെ ഭൂരിപക്ഷം പതിനാലായിരമാക്കി കുറയ്ക്കാന് ചന്ദ്രന് തില്ലങ്കേരിക്ക് കഴിഞ്ഞിരുന്നു.
നേരത്തെ സണ്ണി ജോസഫിന്റെ സഹോദരി ഭര്ത്താവ് ബെന്നി തോമസിനെ സ്പെഷല് പിഎസ് ആയി നിയമിച്ചത് വലിയ വിവാദമായി മാറിയിരുന്നു. തുടര്ന്നാണ് ബെന്നി തോമസ് രാജിവെച്ചൊഴിഞ്ഞത്. ബെന്നി തോമസിന്റെ നിയമനത്തില് യാതൊരുവിധ നിയമ പ്രശ്നങ്ങളും ഉണ്ടായിരുന്നില്ലെന്നും രാജി അദ്ദേഹത്തിന്റെ സ്വന്തം തീരുമാനമാണെന്നും മന്ത്രി സണ്ണി ജോസഫ് പ്രതികരിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
