കണ്ണൂര്: പൊലിസ് സ്റ്റേഷന് വളപ്പില് മാങ്ങ പറിക്കാനെത്തിയ കുട്ടികളെ വിരട്ടിയോടിക്കാതെ സഹായിച്ച് കൂട്ടുകൂടിയ പൊലീസുകാരുടെ വിഡിയോ വൈറലാകുന്നു. അയ്യോ എത്തുന്നില്ല.... ഒന്നും കൂടി, ഇനി നമ്മള് വരൂല വാടാ പോകാം... എന്ന് പറഞ്ഞ് മാങ്ങ പറിക്കല് ഉപേക്ഷിച്ചു മടങ്ങിയ കുരുന്നുകളെ പൊലിസുകാര് വീണ്ടും ട്രൈ ചെയ്യാന് മടക്കി വിളിക്കുകയായിരുന്നു.
പാനൂര് പൊലീസ് സ്റ്റേഷനാണ് മാതൃകയായത്. വളപ്പിലെത്തി മാങ്ങ പറിക്കാന് നോക്കിയ കുട്ടികളെ നിരാശരാക്കാതെ, അവരെ എടുത്തുയര്ത്തി മാങ്ങ പറിക്കാന് സഹായിക്കുന്ന എഎസ്ഐ നിവേദിന്റെ പ്രവൃത്തിയാണ് സോഷ്യല് മീഡിയയില് വൈറലായത്.
ഓടടാ എന്ന് പറയുമെന്ന് പ്രതീക്ഷിച്ച് എത്തിയ കുട്ടികള്ക്കും പരിസരത്ത് ഉണ്ടായിരുന്നവര്ക്കും കൗതുകമായി പൊലിസുകാരന്റെ ഈ ഇടപെടല്. കുട്ടികളെ എടുത്തുയര്ത്തിയാണ് പൊലീസുകാരന് മാങ്ങ പറിക്കാന് സഹായിച്ചത്. കൈനിറയെ മാങ്ങയുമായി സന്തോഷത്തോടെയാണ് കുട്ടികള് മടങ്ങിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
