തൃശൂര്: തൃശൂര് കോണ്ഗ്രസ് ജില്ലാ പ്രസിഡന്റ് ജോസ് വള്ളൂര് രാജിവെച്ചു. ഡിസിസി ഓഫീസിലെത്തിയാണ് ജോസ് വള്ളൂര് രാജി പ്രഖ്യാപിച്ചത്. ലോക്സഭ തെരഞ്ഞെടുപ്പില് തൃശൂര് മണ്ഡലത്തില് യുഡിഎഫ് സ്ഥാനാര്ത്ഥി കെ മുരളീധരന്റെ തോല്വിയെയും തുടര്ന്ന് ഡിസിസി ഓഫീസുണ്ടായ സംഘര്ഷങ്ങളുടെയും പശ്ചാത്തലത്തിലാണ് രാജി.
ജില്ലാ യുഡിഎഫ് ചെയര്മാന് എംപി വിന്സെന്റും രാജി വെച്ചിട്ടുണ്ട്. ഡിസിസി ഓഫീസിലെ സംഘര്ഷങ്ങളുടെ ഉത്തരവാദിത്തം ഏറ്റെടുത്ത് രാജി വെക്കുകയാണെന്ന് എംപി വിന്സെന്റ് വ്യക്തമാക്കി. ഡിസിസി ഓഫീസില് നടക്കാന് പാടില്ലാത്ത സംഭവങ്ങളാണ് നടന്നതെന്നും എംപി വിന്സെന്റ് പറഞ്ഞു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
കെ മുരളീധരന്റെ തോല്വിയും തുടര്ന്ന് ഡിസിസി ഓഫീസിലുണ്ടായ കൂട്ടയടിയിലും ഡിസിസി പ്രസിഡന്റ് ജോസ് വള്ളൂര്, എംപി വിന്സെന്റ് എന്നിവരുടെ രാജി ആവശ്യപ്പെടാന് ഹൈക്കമാന്ഡ് കെപിസിസിക്ക് നിര്ദേശം നല്കിയിരുന്നു. എഐസിസി നിര്ദേശം കെപിസിസി ഇരുനേതാക്കളെയും അറിയിക്കുകയായിരുന്നു.
ഡിസിസി ഓഫീസ് സംഘര്ഷത്തിന്റെ ഉത്തരവാദിത്തത്തില് നിന്നും ഇരു നേതാക്കള്ക്കും ഒഴിഞ്ഞു നില്ക്കാനാകില്ലെന്ന് നേതൃത്വം വിലയിരുത്തി. പാലക്കാട് എംപി വികെ ശ്രീകണ്ഠന് തൃശൂര് ജില്ലാ കോണ്ഗ്രസ് കമ്മിറ്റിയുടെ ചുമതല നല്കാനാണ് തീരുമാനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
