തിരുവവനന്തപുരം: വട്ടപ്പാറ ബെവ്‌കോയ്ക്ക് മുന്നില്‍ മദ്യപസംഘങ്ങള്‍ തമ്മില്‍ ഏറ്റുമുട്ടി. വിവരമറിഞ്ഞ് സ്ഥലത്തെത്തിയ പൊലീസുകാര്‍ക്കും മദ്യപസംഘത്തിന്റെ മര്‍ദ്ദനത്തില്‍ പരിക്കേറ്റു. വൈകീട്ടോടെ വട്ടപ്പാറ ബിവറേജില്‍ മദ്യം വാങ്ങാന്‍ വന്നവരും മദ്യപിച്ചെത്തിയ സംഘവും തമ്മിലാണ് കൂട്ടത്തല്ലുണ്ടായത്. ഏറ്റുമുട്ടലില്‍ തലയ്ക്ക് പരിക്കേറ്റയാളെ തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചു.
മദ്യപസംഘങ്ങള്‍ തമ്മില്‍ ഏറ്റുമുട്ടിയതോടെ നാട്ടുകാരാണ് വിവരം പൊലീസിനെ അറിയിച്ചത്. സ്ഥലത്തെത്തിയ പൊലിസിന് നേരെയും മദ്യപസംഘങ്ങള്‍ അക്രമം തുടര്‍ന്നു. സംഭവത്തില്‍ നാലുപേരെ പൊലീസ് കസ്റ്റഡിയിലെടുത്തു
കൂടുതല്‍ പൊലീസ് സ്ഥലത്ത് എത്തിയാണ് കുട്ടത്തല്ല് അവസാനിപ്പിച്ചത്. സ്റ്റേഷനില്‍ എത്തിച്ച ശേഷവും ഇവര്‍ പൊലീസിനെതിരെ അസഭ്യവര്‍ഷം തുടര്‍ന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
