തിരുവനന്തപുരം: ലൈംഗികാതിക്രമക്കേസില് മുന് മന്ത്രി നീലലോഹിതദാസന് നാടാരെ കുറ്റവിമുക്തനാക്കിയ ഹൈക്കോടതി ഉത്തരവിനെതിരെ അപ്പീലുമായി പരാതിക്കാരി. ഹൈക്കോടതി വിധിയില് പിഴവുണ്ടെന്ന് ചൂണ്ടിക്കാട്ടി പരാതിക്കാരി സുപ്രീംകോടതിയെ സമീപിച്ചു. വനംവകുപ്പ് മുന് ചീഫ് കണ്സര്വേറ്ററുടെ പരാതിയില് എടുത്ത കേസിലാണ് ഹൈക്കോടതി മുന് മന്ത്രിയെ വെറുതെ വിട്ടത്.
കേസില് നീല ലോഹിതദാസന് നാടാരെ വിചാരണ കോടതി ശിക്ഷിച്ചിരുന്നു. 1999ലാണ് കേസിനാസ്പദമായ പരാതി ഉയരുന്നത്. വനം വകുപ്പിലെ ഉന്നത ഉദ്യോഗസ്ഥയെ കോഴിക്കോട് ഗസ്റ്റ് ഹൗസിലേക്ക് വിളിച്ചു വരുത്തി അതിക്രമിച്ചു എന്നായിരുന്നു പരാതി. 2002 ഫെബ്രുവരിയില് നീലലോഹിതദാസനെതിരെ മുതിര്ന്ന ഐഎഎസ് ഉദ്യോഗസ്ഥ പരാതി നല്കിയതോടെയാണ് ഐഎഫ്എസ് ഉദ്യോഗസ്ഥയും പരാതിയുമായി രംഗത്തെത്തിയത്.
എറണാകുളം ജുഡീഷ്യല് മജിസ്ട്രേറ്റ് കോടതി ഒരു വര്ഷത്തേക്കാണ് ആദ്യം നീലലോഹിത ദാസന് നാടാരെ ശിക്ഷിച്ചത്. പിന്നീട് മൂന്നുമാസത്തെ തടവുശിക്ഷയാക്കി ചുരുക്കി. ഇതിനെതിരെയാണ് നീല ലോഹിത ദാസന് നാടാര് ഹൈക്കോടതിയെ സമീപിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
