പത്തനംതിട്ട: ശബരിമല അയ്യപ്പനെതിരായ അധിക്ഷേപ പരാമര്ശത്തില് സണ്ണി എം കപിക്കാടിനെതിരെ തിരുവാഭരണ പാത സംരക്ഷണ സമിതിയാണ് പരാതി നല്കിയത്. മലയാളം സര്വകലാശാലയിലെ പരിപാടിക്കിടെയായിരുന്നു സണ്ണി കപിക്കാടിന്റെ പരാമര്ശം. സംഭവത്തില് സണ്ണി എം കപിക്കാട് മാപ്പുപറയണം. തിരുവിതാംകൂര് ദേവസ്വം ബോര്ഡ് ഈ വിഷയത്തില് അടിയന്തരമായി ഇടപെടണമെന്നും സര്ക്കാരും വിഷയത്തില് ഇടപെട്ട് നിയമ നടപടി സ്വീകരിക്കണമെന്നും പന്തളം കൊട്ടാരം ആവശ്യപ്പെട്ടു.
നേരത്തെ ഹിന്ദു ഐക്യവേദിയും സണ്ണി എം കപിക്കാടിനെതിരെ പന്തളം പൊലീസില് പരാതി നല്കിയിരുന്നു. സാമൂഹിക മാധ്യമങ്ങളില് വലിയ വിമര്ശനത്തിനിടയാക്കിയ കപിക്കാടിന്റെ അധിക്ഷേപത്തില് രാഷ്ട്രീയ പാര്ട്ടികള്ക്ക് പ്രതികരണമില്ലേയെന്നും ശബരിമല അയ്യപ്പനാണ് തിരുവിതാംകൂര് ദേവസ്വം ബോര്ഡിനെ നിലനിര്ത്തുന്നതെന്നും അയ്യപ്പനെ അവഹേളിച്ചതില് ദേവസ്വം ബോര്ഡിനും ദേവസ്വം മന്ത്രിക്കും പ്രതികരണമില്ലേയെന്നും ഹിന്ദു ഐക്യവേദി നേതാവ് ആര്വി ബാബു ചോദിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
