കൊച്ചി: വിജയാഘോഷത്തിലെ കോണ്ഗ്രസ് നേതാവ് ചെറിയാന് ഫിലിപ്പിന്റെ ഡാന്സ് കുത്തിപ്പൊക്കി സോഷ്യല് മീഡിയ. നിയമസഭാ തെരഞ്ഞെടുപ്പില് വിജയിച്ച ശേഷം നടത്തിയ ആഘേഷ പ്രകടനത്തിന്റെ ദൃശ്യങ്ങളാണ് സമൂഹമാധ്യമങ്ങളില് പ്രചരിക്കുന്നത്.
തെരഞ്ഞെടുപ്പു ഫലം പുറത്തുവന്ന ശേഷം നടത്തിയ ആഘോഷത്തിന്റെ വിഡിയോകളാണ് വിവിധ പേജുകളിലൂടെ പ്രചരിക്കുന്നത്. 'ആവേശം' എന്ന ചിത്രത്തിലെ 'ഇല്ലുമിനാറ്റി' എന്ന പാട്ടിനാണ് ചെറിയാന് ഫിലിപ്പിന്റെ വക തകര്പ്പന് ഡാന്സ്. വനിത നേതാക്കള് ഉള്പ്പെടെയുള്ളവര്ക്കൊപ്പമാണ് ചെറിയാന്റെ തെരഞ്ഞെടുപ്പ് വിജയാഘോഷം.
കൊച്ചിയിലെ കെപിസിസി ആസ്ഥാനത്ത് കഴിഞ്ഞദിവസം നടന്ന നിയമസഭാ കക്ഷി യോഗത്തിന് പങ്കെടുക്കാനെത്തിയ ബിന്ദു കൃഷ്ണയെ ആലിംഗനം ചെയ്യാന് ശ്രമിക്കുന്ന ചെറിയാന് ഫിലിപ്പിന്റെ വിഡിയോ വിവാദങ്ങള്ക്ക് വഴിവെച്ചിരുന്നു. അതിനു പിറകേയാണ് ഡാന്സ് വിഡിയോയും വൈറലാകുന്നത്.
ചെറിയാന്റേത് സന്തോഷപ്രകടനം മാത്രമാണെന്നും വിവാദങ്ങള്ക്കു സ്ഥാനമില്ലെന്നും ഒരു വിഭാഗം പറഞ്ഞു. എന്നാല് പാര്ട്ടിയിലെ വനിതാ നേതാവും നിയുക്ത എംഎല്എയുമായ ബിന്ദു കൃഷ്ണയോട് അപമര്യാദയായാണ് പെരുമാറിയതെന്നു മറ്റൊരുകൂട്ടം വിമര്ശനവും ഉയര്ത്തുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
