ആലപ്പുഴ: എസ്എഫ്ഐ ആലപ്പുഴ ജില്ലാ കമ്മിറ്റിയിൽ അച്ചടക്ക നടപടി. ജില്ലാ സെക്രട്ടറിയേറ്റ് അംഗം അനില രാജു അടക്കം ഏഴുപേരെ പുറത്താക്കും. ഹരിപ്പാട് ഏര്യാ സമ്മേളനത്തിലെ സംഘർഷത്തെ തുടർന്നാണ് നടപടി. എസ്എഫ്ഐ ഫ്രാക്ഷൻ യോഗത്തിലാണ് നടപടി.
കഴിഞ്ഞയാഴ്ചയാണ് എസ്എഫ്ഐ സംസ്ഥാന സെക്രട്ടറി പി എം ആർഷോയുടെ നേതൃത്വത്തിൽ ഹരിപ്പാട് ഏര്യാ സമ്മേളനം നടന്നത്. അനിലയെ സെക്രട്ടറിയാക്കി കൊണ്ടുള്ള പാനൽ സമ്മേളനത്തിൽ അവതരിപ്പിച്ചെങ്കിലും ഒരു വിഭാഗം ഇത് അംഗീകരിച്ചില്ല.
തുടർന്ന് 30പേർ സമ്മേളനത്തിൽ നിന്ന് ഇറങ്ങിപ്പോയി. ഇതിന് പിന്നാലെ ഇരു വിഭാഗങ്ങളും തമ്മിൽ ഏറ്റുമുട്ടി. തുടർന്നാണ് എസ്എഫ്ഐ ഫ്രാക്ഷൻ യോഗത്തിൽ നടപടിക്ക് ശുപാർശ ചെയ്തത്. അനില രാജു കേരള സർവകലാശാല യൂണിയൻ മുൻ ചെയർപേഴ്സൺ ആണ്.
ഈ വാർത്ത കൂടി വായിക്കൂ ഇടുക്കിയിൽ ട്രാവലർ കൊക്കയിലേക്ക് മറിഞ്ഞു; രണ്ടു മരണം; നിരവധി പേർക്ക് പരിക്ക്
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
