വിസി നിയമനത്തിൽ ​ചർച്ച, കന്യാസ്ത്രീകൾ ഡൽഹിയിൽ; ഇന്നത്തെ 5 പ്രധാന വാർത്തകൾ

ഛത്തീസ്​ഗഡിൽ ജാമ്യം ലഭിച്ച് ജയിൽ മോചിതരായ മലയാളി കന്യാസ്ത്രീകളെ ഡൽഹിയിലെത്തിച്ചു. ബജ്‌റങ് ദള്‍ നേതാവ് ജ്യോതി ശര്‍മയ്ക്കെതിരെ പെൺകുട്ടികൾ ഇന്ന് പരാതി നൽകും. വിസി നിയമനത്തിൽ ​ഗവർണർ മന്ത്രിമാരുമായി ഇന്ന് ചർച്ച നടത്തും. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം

സാങ്കേതിക, ഡിജിറ്റല്‍ സര്‍വകലാശാല വൈസ് ചാന്‍സലര്‍മാരുടെ നിയമനവുമായി ബന്ധപ്പെട്ട് ഗവര്‍ണറുമായി സംസ്ഥാന മന്ത്രിമാര്‍ ഇന്ന് ചര്‍ച്ച നടത്തും. മന്ത്രിമാരായ പി രാജീവ്, ആര്‍ ബിന്ദു എന്നിവരാണ് ഗവര്‍ണറുമായി കൂടിക്കാഴ്ചയ്‌ക്കെത്തുന്നത്.

ഛത്തീസ്​ഗഡിൽ ജാമ്യം ലഭിച്ച് ജയിൽ മോചിതരായ മലയാളി കന്യാസ്ത്രീകളെ ഡല്‍ഹിയിലെ രാജറായി മഠത്തില്‍ എത്തിച്ചു. ബജ്‌റങ് ദള്‍ നേതാവ് ജ്യോതി ശര്‍മ അടക്കമുള്ള നേതാക്കള്‍ക്കെതിരെ കന്യാസ്ത്രീകള്‍ക്കൊപ്പമുണ്ടായിരുന്ന പെണ്‍കുട്ടികള്‍ പരാതി നല്‍കും.

സംസ്ഥാനത്ത് മഴ വീണ്ടും കനക്കുന്നു. മധ്യകേരളത്തില്‍ ഇന്ന് തീവ്രമഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. നാല് ജില്ലകളില്‍ ഓറഞ്ച് അലര്‍ട്ടും പ്രഖ്യാപിച്ചിട്ടുണ്ട്.

അന്തരിച്ച പ്രൊഫ. എം കെ സാനുവിന്റെ സംസ്‌കാരം ഇന്ന് നടക്കും. ഇന്നു രാവിലെ പത്തു മണി വരെ കൊച്ചിയിലെ വീട്ടിലും തുടര്‍ന്ന് എറണാകുളം ടൗണ്‍ഹാളിലും മൃതദേഹം പൊതുദര്‍ശനത്തിന് വെക്കും. വൈകീട്ട് അഞ്ചിന് രവിപുരം ശ്മശാനത്തില്‍ സംസ്‌കാരം നടക്കും.

ഇന്ത്യന്‍ എണ്ണ സംസ്‌കരണക്കമ്പനികള്‍ റഷ്യയില്‍നിന്ന് എണ്ണ വാങ്ങുന്നത് തുടരുമെന്ന് സൂചിപ്പിച്ച് ഇന്ത്യ. റഷ്യയില്‍നിന്നുള്ള എണ്ണ വാങ്ങുന്നത് ഇന്ത്യന്‍ പൊതുമേഖലാകമ്പനികള്‍ നിര്‍ത്തിവെച്ചത് നല്ല ചുവടുവെപ്പാണെന്ന ഡോണാള്‍ഡ് ട്രംപിന്റെ പ്രസ്താവനയ്ക്ക് പിന്നാലെയാണ് ഇന്ത്യയുടെ പ്രതികരണം.