ന്യൂഡല്ഹി: ജാമ്യത്തില് പുറത്തിറങ്ങിയ കന്യാസ്ത്രീകളെ കനത്ത സുരക്ഷയില് ഡല്ഹിയിലെ രാജറായി മഠത്തില് എത്തിച്ചു. കനത്ത സുരക്ഷയിലാണ് ഇവരെ മഠത്തിലെത്തിച്ചത്. അതേസമയം കന്യാസ്ത്രീകള്ക്കെതിരായ കേസ് റദ്ദാക്കുന്നതില് ഹൈക്കോടതിയെ സമീപിക്കുന്ന കാര്യത്തില് കത്തോലിക്ക സഭ വിശദമായ കൂടിയോചനകള് നടത്തും. ഇക്കാര്യത്തില് നിയമവിദഗ്ധരുമായി കൂടിയാലോചിക്കും.
കേസ് റദ്ദാക്കുന്നതിന് പാര്ലമെന്റില് പ്രതിഷേധം ശക്തമാക്കാനാണ് പ്രതിപക്ഷ പാര്ട്ടികളുടെ തീരുമാനം. ബജ്റങ് ദള് നേതാവ് ജ്യോതി ശര്മ അടക്കമുള്ള നേതാക്കള്ക്കെതിരെ കന്യാസ്ത്രീകള്ക്കൊപ്പമുണ്ടായിരുന്ന പെണ്കുട്ടികള് ഓണ്ലൈനായി ദുര്ഗ പൊലീസ് സ്റ്റേഷനില് പരാതി നല്കും. ഇന്നലെ നാരായണ്പൂര് പൊലീസ് സ്റ്റേഷനില് നല്കിയ പരാതി സ്വീകരിച്ചിരുന്നില്ല.
കന്യാസ്ത്രീകളായ സിസ്റ്റര് വന്ദന ഫ്രാന്സിസ്, സിസ്റ്റര് പ്രീതി എന്നിവര്ക്ക് പുറമേ മൂന്നാം പ്രതി സുഖ്മാന് മാണ്ഡവിക്കും ജാമ്യം ലഭിച്ചിട്ടുണ്ട്. ഇവര്ക്ക് ഉപാധികളോടെയാണ് ജാമ്യം അനുവദിച്ചിട്ടുള്ളത്. മൂന്ന് പേരും 50,000 രൂപ വീതം ബോണ്ട് കെട്ടിവയ്ക്കുകയും പാസ്പോര്ട്ടുകള് കോടതിയില് സമര്പ്പിക്കുകയും വേണം. രാജ്യം വിടുന്നതില് നിന്നും എന്ഐഎ കോടതി ഇവരെ വിലക്കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
