കല്‍പ്പറ്റ: വയനാട് മാനന്തവാടിയില്‍ വയോധിക സ്വയം വെട്ടി മരിച്ച നിലയില്‍. പയ്യമ്പള്ളിയില്‍ പൂവ്വത്തിങ്കല്‍ മേരി(67) ആണ് മരിച്ചത്. ഭര്‍ത്താവ് ചാക്കോ ഇന്നു രാവിലെ ഏഴേമുക്കാലോടെ പള്ളിയില്‍ നിന്ന് തിരികെ വന്നപ്പോള്‍ വീടിന്റെ രണ്ടു വാതിലും പൂട്ടിയ നിലയിലായിരുന്നു.
ഏറെ നേരം വിളിച്ചിട്ടും പ്രതികരണം ഇല്ലാതിരുന്നതോടെ അയല്‍വാസികളേയും കൂട്ടി വീടിന്റെ പിന്‍വാതില്‍ പൊളിച്ച് അകത്ത് കയറി. ഇടത് കൈകാലുകള്‍ വെട്ടിമുറിച്ച നിലയില്‍ മേരി കിടക്കുന്നത് കണ്ടത്.
മാനന്തവാടി മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മേരിക്ക് ആരോഗ്യപ്രശ്‌നങ്ങളും മാനസിക ബുദ്ധിമുട്ടുകളും ഉണ്ടായിരുന്നതായാണ് കുടുംബം പറയുന്നത്. മാനന്തവാടി പൊലീസ് കേസെടുത്ത് അന്വേഷണം ആരംഭിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
