മലപ്പുറം: കനത്ത മഴയുടെ പശ്ചാത്തലത്തില് മലപ്പുറം ജില്ലയിലെ നിലമ്പൂര് ആഢ്യന്പാറ വെള്ളച്ചാട്ടം, കരുവാരകുണ്ടിലെ കേരളാംകുണ്ട് വെള്ളച്ചാട്ടം എന്നിവിടങ്ങളിലേക്കുള്ള പ്രവേശനം വിലക്കി. തീരദേശ, പുഴയോര ഡെസ്റ്റിനേഷനുകളിലും അപകടസാധ്യതയുള്ള മറ്റ് പാര്ക്കുകളിലും ജാഗ്രതാ നിര്ദേശവും നല്കിയിട്ടുണ്ട്.
25, 26 തീയതികളില് മലപ്പുറം ജില്ലയില് ഒറ്റപ്പെട്ട അതിതീവ്രമഴയാണ് കാലാവസ്ഥ വകുപ്പ് പ്രവചിക്കുന്നത്. ജാഗ്രതയുടെ ഭാഗമായി ഞായര്, തിങ്കള് ദിവസങ്ങളില് ജില്ലയില് റെഡ് അലര്ട്ട് പ്രഖ്യാപിച്ചിട്ടുണ്ട്.
കൂടാതെ വെള്ളി, ശനി ദിവസങ്ങളില് മലപ്പുറം ജില്ലയില് ഒറ്റപ്പെട്ട അതിശക്തമായ മഴ മുന്നറിയിപ്പും കാലാവസ്ഥ വകുപ്പ് നല്കിയിട്ടുണ്ട്. ഈ പശ്ചാത്തലത്തിലാണ് വെള്ളച്ചാട്ടങ്ങളിലേക്കുള്ള പ്രവേശനം ജില്ലാ ഭരണകൂടം വിലക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
