കാസര്കോട്: ഗസ്റ്റ് ലക്ചറര് നിയമനത്തിനായി വ്യാജസര്ട്ടിഫിക്കറ്റ് ഉണ്ടാക്കിയ കേസിലെ പ്രതിയായ മുന് എസ്എഫ്ഐ നേതാവ് കെ വിദ്യ ഒളിവില് തന്നെ. വിദ്യയെ കണ്ടെത്താന് പൊലീസ് സൈബര് സെല്ലിന്റെ സഹായം തേടിയിട്ടുണ്ട്. വിദ്യയുടെ തൃക്കരിപ്പൂരിലെ വീട്ടില് നീലേശ്വരം പൊലീസും, പിന്നീട് അഗളി പൊലീസും പരിശോധന നടത്തിയിരുന്നു. എന്നാല് വീടു പൂട്ടിയ നിലയിലായിരുന്നു.
തുടര്ന്ന് അടുത്തുള്ള ബന്ധുക്കളില് നിന്നും താക്കോല് വാങ്ങി അഗളി പൊലീസ് ഒന്നര മണിക്കൂറാണ് വീട്ടില് പരിശോധന നടത്തിയത്. എന്നാല് വ്യാജരേഖയുമായി ബന്ധപ്പെട്ട ഒന്നും പരിശോധനയില് ലഭിച്ചില്ലെന്നാണ് സൂചന. വിദ്യ ഹോസ്റ്റലില് ഒളിച്ചിരിക്കുകയാണെന്നും, പൊലീസ് മെല്ലെപ്പോക്ക് നയമാണ് സ്വീകരിക്കുന്നതെന്നും കെഎസ് യു ആരോപിക്കുന്നു.
ജോലി നേടാൻ വ്യാജരേഖ ചമച്ച് അഭിമുഖത്തിനു ഹാജരാക്കിയെന്ന് പാലക്കാട് അട്ടപ്പാടി ഗവ. കോളജ്, കാസർകോട് നീലേശ്വരം കരിന്തളം ഗവ. ആർട്സ് ആൻഡ് സയൻസ് കോളജ് പ്രിൻസിപ്പൽമാർ നൽകിയ പരാതിയിൽ ജാമ്യമില്ലാ വകുപ്പുപ്രകാരമാണ് വിദ്യയ്ക്കെതിരെ കേസെടുത്തിട്ടുള്ളത്. 2018-19, 2020-21 വർഷങ്ങളിൽ മഹാരാജാസ് കോളേജിലെ ഗസ്റ്റ് അധ്യാപികയായിരുന്നെന്ന വ്യാജ സർട്ടിഫിക്കറ്റാണ് വിദ്യ സമർപ്പിച്ചത്.
ആഭ്യന്തര അന്വേഷണം നാളെ തുടങ്ങും
വിദ്യയ്ക്ക് പിഎച്ച്ഡി പ്രവേശനം ലഭിച്ചതില് കാലടി സര്വകലാശാലയുടെ ആഭ്യന്തര അന്വേഷണം നാളെ തുടങ്ങും. സര്വകലാശാല സിന്ഡിക്കേറ്റ് ലീഗല് ഉപസമിതിയാണ് സംവരണ മാനദണ്ഡങ്ങള് ലംഘിച്ചാണോ വിദ്യയ്ക്ക് പ്രവേശനം നല്കിയതെന്ന് പരിശോധിക്കുന്നത്.
ഇതിന്റെ ഭാഗമായി പ്രവേശന രേഖകള് സമിതി പരിശോധിക്കും. മുന് വൈസ് ചാന്സലര് ഡോ. ധര്മരാജ് അടാട്ടില് നിന്നും വിശദാംശങ്ങള് തേടും. പിഎച്ച്ഡി പ്രവേശനത്തിന് സംവരണമില്ലെന്നായിരുന്നു അടാട്ടിന്റെ വാദം. എന്നാല് പിഎച്ച്ഡിക്കു സംവരണം ബാധകമാണെന്ന് കാട്ടി 2016ല് സര്വകലാശാല പുറത്തിറക്കിയ സര്ക്കുലര് പുറത്തുവന്നിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
