നടിയെ ആക്രമിച്ച കേസിൽ അന്തിമ വാദം, സിറിയയിൽ നിന്ന് 75 ഇന്ത്യക്കാരെ ഒഴിപ്പിച്ചു... ഇന്നത്തെ 5 പ്രധാന വാർത്തകൾ

റീൽസ് ചിത്രീകരണത്തിനിടെ യുവാവ് മരിച്ച സംഭവത്തിൽ മോട്ടോർ വാഹന വകുപ്പ് കൂടുതൽ നടപടിക്കൊരുങ്ങി. വിഡിയോ ചിത്രീകരണത്തിന് ഉപയോഗിച്ച വാഹനങ്ങളുടെ രേഖകൾ ഹാജരാക്കാൻ ഉടമസ്ഥർക്ക് നിർദേശം നൽകി. വിഡിയോ ചിത്രീകരിക്കാൻ ഉപയോഗിച്ച ബെൻസ് കാറും ഡിഫെൻഡർ കാറും പൊലീസ് കസ്റ്റഡിയിലെടുത്തിട്ടുണ്ട്.

നടിയെ ആക്രമിച്ച കേസിലെ അന്തിമ വാ​ദം ഇന്ന് വിചാരണ കോടതിയിൽ ആരംഭിക്കും. എറണാകുളം സെഷൻസ് കോടതിയിലാണ് കേസിന്റെ വിചാരണ നടപടികൾ നടക്കുന്നത്.

സിറിയയിൽ നിന്ന് 75 ഇന്ത്യക്കാരെ ചൊവ്വാഴ്ച ഒഴിപ്പിച്ചെന്ന് വിദേശകാര്യ മന്ത്രാലയം അറിയിച്ചു. എല്ലാവരെയും സുരക്ഷിതമായി ലെബനനിൽ എത്തിച്ചു.

ന​ട​നും കേ​ന്ദ്ര​ മ​ന്ത്രി​യു​മാ​യ സു​രേ​ഷ് ഗോ​പി​യു​ടെ കൊ​ല്ലം മാ​ട​ൻ​ന​ട​യി​ലെ കു​ടും​ബ വീ​ട്ടി​ൽ മോ​ഷ​ണം. വീ​ടി​നോ​ട് ചേ​ർ​ന്നുള്ള ഷെ​ഡ്ഡി​ൽ നി​ന്ന് പൈ​പ്പു​ക​ളും പ​ഴ​യ പാ​ത്ര​ങ്ങ​ളും മോഷണം പോയി. 

റീൽസ് ചിത്രീകരണത്തിനിടെ കാറിടിച്ച് യുവാവ് മരിച്ച സംഭവത്തിൽ ഇടിച്ച വാഹനം ഏതാണെന്ന് സ്ഥിരീകരിക്കാൻ കഴിഞ്ഞിട്ടില്ലെന്ന് പൊലീസ്. ഇടിച്ചത് ഡിഫന്‍ഡർ കാറാണെന്നാണ് എഫ്ഐആറില്‍ പറയുന്നത്.

സിപിഎം കൊല്ലം ജില്ലാ സമ്മേളനത്തിൽ സംസ്ഥാന സെക്രട്ടറി എം വി ​ഗോവിന്ദന് വിമർശനം. തൃശൂരിൽ നടന്ന ജാഥയിൽ മൈക്ക് ഓപ്പറേറ്ററോട് തട്ടിക്കയറിയത് ശരിയായില്ലെന്ന് പ്രതിനിധികൾ കുറ്റപ്പെടുത്തി.