കോഴിക്കോട്: കൂടരഞ്ഞി ഉറുമി പുഴയിൽ കുളിക്കാനിറങ്ങിയ സംഘം അപ്രതീക്ഷിത മലവെള്ളപ്പാച്ചിലിൽ കുടുങ്ങി. മലപ്പുറത്ത് നിന്നെത്തിയ അഞ്ചംഗ സംഘമാണ് കുടുങ്ങിയത്. നാട്ടുകാർ ഇടപെട്ട് ഒടുവിൽ സംഘത്തെ രക്ഷപ്പെടുത്തി.
കൂടരഞ്ഞി ഉറുമി പദ്ധതിയുടെ മുകളിലുള്ള ഡാമിനു സമീപത്തെ തുരുത്തിലാണ് സംഘം കുടുങ്ങിയത്. വ്യാഴാഴ്ച ഉച്ച കഴിഞ്ഞെത്തിയ സംഘം, തെളിഞ്ഞ കാലാവസ്ഥ കണ്ട് പുഴയിൽ കുളിക്കാനിറങ്ങിയതായിരുന്നു. പെട്ടെന്ന് കനത്ത മഴയിൽ മലവെള്ളപ്പാച്ചിൽ ഉണ്ടായപ്പോൾ ഇവർ പാറക്കെട്ടിൽ കയറി വെള്ളം കുറയാൻ കാത്തു നിന്നു.
എന്നാൽ മഴ ശക്തിപ്പെട്ടതിനാൽ പുറത്തു കടക്കാനായില്ല. വിവരം അറിഞ്ഞെത്തിയ നാട്ടുകാർ രാത്രി ഏഴ് മണിയോടെ വടം ഇട്ടുനൽകി പുഴയുടെ മറുകരയിലെത്തിക്കുകയായിരുന്നു. മുക്കത്തു നിന്ന് അഗ്നിശമന സേനയും രക്ഷാപ്രവർത്തനത്തിന് എത്തിയിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
